Yangi mavsum Pro ligada 6ta jamoa qatnashadi, boshqa mamlakatlarning ikkinchi divizionidagi holat qanday?

O'tgan yili taqqoslash uchun 8 ta jamoa bor edi. 2023 yilda esa ularning soni 11 ta edi. Qiziq tuyuldi: boshqa mamlakatlardagi ikkinchi divizionlar ahvoli qanday ekan? Evropa, Janubiy va Shimoliy Amerika hamda Osiyo bo'ylab statistikalarni ko'rib chiqdim. Quyidagi natija hosil bo'ldi.

Evropa

Angliya. APL - 20, Chempionship - 24 (+4)

Ispaniya. La Liga - 20, Segunda - 22 (+2)

Italiya. A Seriya - 20, B Seriya - 20 (=)

Germaniya. Bundesliga - 18, Bundesliga 2 - 18 (=)

Franciya. Liga 1 - 18, Liga 2 - 18 (=)

Portugaliya. Primeyra - 18, Ikkinchi liga - 18 (=)

Niderlandiya. Eredivizi - 18, Birinchi divizion - 20 (+2)

Belgiya. Pro Liga - 16, Challenger Liga - 16 (=)

Rossiya. RPL - 16, FNL - 18 (+2)

Janubiy va Shimoliy Amerika

Braziliya. A Seriya - 20, B Seriya - 20 (=)

Argentina. Primera - 30, Nasional - 36 (+6, ligalar ikki zonaga bo'lingan)

Meksika. MX Ligasi - 18, De-Ekspancion ligasi - 15 (-3)

Kolumbiya. Dimayor ligasi - 20, Torneo Dimayor - 16 (-4)

Chili. Primeyra - 16, Liga de Asenso - 16 (=)

Urugvay. UFA ligasi - 16, Asenso ligasi - 14 (-2)

Osiyo

Saudiya Arabistoni. Pro liga - 18, Birinchi divizion - 18 (=)

BAA. Pro Liga - 14, Birinchi divizion - 15 (+1)

Qatar. Yulduzlar ligasi - 12, Ikkinchi divizion - 8 (-4)

Yaponiya. J1 - 20, J2 - 20 (=)

Koreya Respublikasi. K1 - 12, K2 - 14 (+2)

Faqat to'rtta mamlakatda (Meksika, Kolumbiya, Urugvay, Qatar) ikkinchi divizionda o'ynaydigan klublar soni oliy divizion ishtirokchilari sonidan kam. Qolgan barcha mamlakatlarda yo teng miqdorda, yoki ikkinchi divizionlarda undan ham ko'proq. Qiziq, PFL Pro Ligada ishtirok etuvchi jamoalar sonini belgilashda nimaga asoslangan ekan. Kimning tajribasiga tayanishgan bo'lishi mumkin. Chunki farq ikki barobardan ham ko'p (Superligada 16 jamoa, Pro-ligada 6 jamoa).

Yangi mavsumdan boshlab Superligada 16 ta jamoa bo'ladi. Bu, masalan, «qo'shni» (OFK mezonlari bo'yicha) BAA, Qatar va Koreyadagidan ko'proq. Ha, o'yinlar ko'payadi, ammo chempionat futbol sifati jihatidan yutadimi? Shaxsan men bunga ishonmayman. Ayniqsa, chempionat davomida (yoki yil oxirida, keyingi mavsum boshlanishidan oldin) u yoki bu tarzda muammolarga duch kelgan jamoalarning yaqqol misollarini ko'rib turibmiz:

• «Turon» - 2023 yilda deyarli chempionatni tark etdi, ammo oxir-oqibat mavsumni yakunladi. Shu bilan birga, deyarli barcha o'yinchilar jamoani tark etishdi, boshqa klublardan yoshlar jalb qilindi;

• «Metallurg» - sport tamoyili bo'yicha Superligada qoldi, ammo moliyaviy muammolar tufayli 2025 yilgi mavsumda ishtirok etishdan voz kechdi;

• «Olimpik» - kelasi yili ham Superligada ishtirok etishdan bosh tortdi.

2025 yilgi mavsumda Superligada o'tgan mavsumga nisbatan beshta yangi jamoa bo'ladi - «Mashal», «Buxoro», «Qo'qon-1912», «Sho'rtan» va «Xorazm». Ulardan birortasi shartli 9-10-o'rindan yuqoriga ko'tariladi, deb o'ylamayman. Byudjetlar o'rtasidagi farq juda katta, shuning uchun tarkiblar va boshqa imkoniyatlar o'rtasidagi farq ham sezilarli. Bu klublarning aksariyati "omon qolish" uchun kurashadi. Bunday jamoalarga tarif ham bor - «lift-jamoa». Bu ikki divizion o'rtasida ko'chib yuradigan klublar. Masalan, «Buxoro» allaqachon «Lift» jamoaga aylangan: 2020 yilda jamoa Superligadan Pro-ligaga tushib ketdi, 2022 yilda "Oliy liga"ga qaytdi, 2023 yilda yana Pro-ligaga tushib ketdi va 2024 yilgi mavsum yakunlariga ko'ra yana Superligaga qaytdi.

Pro liga o'zining yangilangan formatida deyarli manosini yo'qotadi. 2025 yilgi mavsum natijasi u boshlanmasidan oldin malum: g'olib «Lokomotiv» bo'lishi aniq, ikkinchi o'rinni esa «Orol» yoki «Olimpik» egallaydi (ko'p narsa «Olimpik» oldida qanday maqsadlar turganiga bog'liq bo'ladi).

Pro-Ligada jamoalar sonini ko'paytirish va umuman turnirga qiziqishni oshirish mumkin bo'lgan yagona variant - farm-klublarni taklif qilish. «Bunyodkor-farm» va «Nasaf-farm» borligi aniq. Ehtimol, boshqalarning ham ikkinchi jamoalari bordir. Yana to'rtta jamoa qo'shilsa, butunlay boshqacha turnir bo'ladi. Bundan tashqari, yosh futbolchilar malum darajada o'yin tajribasiga ega bo'ladilar.

Bilishimcha, klub tuzilmalarida farm-jamoalar hozir yoshlar jamoalaridan pastroq maqomda. Shartli ravishda farm-klublarga U-19 va U-21 jamoalarida o'ynamaydiganlar yuboriladi. Yani yoshlar chempionatlari Birinchi liga (uchinchi divizion)dan yuqori baholanadi. Aksincha bo'lishi kerak. Buyog'i endi mening ishim emas. Ammo Pro-liga uchun oltita jamoa kamlik qilishi aniq.

Nikolay Egorichev