Vadim Abramov: "Bugungi o'yinda muxlislar yutdi"

O'yin haqida

- "Andijon" o'z maydonida juda kuchli o'yin namoyish etishini bilardik. Mezbonlarning ikkita goli ham o'z xatolarimiz evaziga yuzaga keldi. Raqib standartlarda juda xavfli, shu kabi vaziyatlarda etiborni yo'qotmaslikka harakat qildik. Bugungi uchrashuvdan faqat muxlislar yutdi, bu kabi o'yinlarni ko'rgan har qanday tomoshabin katta zavq olgani aniq.

- "Dinamo" bugun juda yaxshi o'yin ko'rsatdi. Natijadan qoniqdingizmi?

- "Andijon" chempionat etakchisi ayni paytda. Safarda durang natija qayd etganimiz yomon emas. Yutib ketishimiz mumkin ham edi.

- Akbar Ismatullaev o'z intervyusida sizning fikrlaringizni inkor qiluvchi gaplarni aytdi. Bu erda kimning fikri to'g'ri?

- Etibor berilsa, Ismatullaevning fikri bilan menikida katta farq yo'q. U menga futbolchilik faoliyatini yakunlashi haqida aytgan. Bu haqida qancha ko'p gapirilsa, shuncha gap ko'payaveradi.