Slavyanlar to'qnashuvi: etakchilarsiz Rossiya Matichsiz qolgan Serbiyaga qarshi

Bugungi kunga belgilangan bahslar orasida bir qator etiborga moliklari bor. Demak, diqqatingizni "B" liganing 3-kvartetiga qarating. Mazkur guruhdan 4 jamoa o'rin egallagan: Rossiya, Vengriya, Turkiya va Serbiya.

Bugun 1-tur doirasida serblar Moskvada mehmon bo'lishsa, Turkiya Sivasda vengerlarni qabul qiladi. Har ikkala o'yin Toshkent vaqti bilan 23:45 da boshlanishi rejalashtirilgan. 

Hozir Moskvadagi o'yin haqida qisaqacha malumot beramiz.

Russia Artem Dzyuba - 48', Vyacheslav Karavaev - 69', Artem Dzyuba - 81'

UEFA Nations League B Grp. 3 . 1-tur 03/09/2020, 23:45 1 : 3 Tugadi

Serbia Aleksandar Mitrovic - 78'

Stadion: VTB Arena, 0 tomoshabin

Bosh hakam: William Collum

45'

90'

48'  Artem Dzyuba

67'  Zelimkhan Bakaev (Anton Miranchuk)

69'  Vyacheslav Karavaev

69'  Roman Zobnin

77'  Andrey Semenov (Roman Neustaedter)

80'  Yuri Zhirkov (Daler Kuzyaev)

81'  Artem Dzyuba

46'  Strahinja Pavlovic

58'  Nikola Maksimovic

65'  Strahinja Pavlovic (Aleksandar Kolarov)

65'  Sergej Milinkovic-Savic (Filip Djuricic)

78'  Aleksandar Mitrovic

78'  Darko Lazovic

85'  Nemanja Maksimovic (Adem Ljajic)

Match-senterda ochish

Rossiya

Ruslar ikkinchi bor "A" ligaga ko'tarilish uchun urinib ko'rishadi. 2018-19 yilgi musobaqada bunga bir qadam qolgan, ammo to'plar nisbatidagi ustunlik shvedlarni yuqori ligaga olib chiqqan edi. SHundan beri Rossiya terma jamoasi faqat Evropa chempionati saralashida ishtirok etdi va 10 uchrashuvda 8 g'alaba bilan musobaqaning final bosqichiga yo'llanmay oldi. Saralashdagi har ikki mag'lubiya Belgiya terma jamoasidan qabul qilib olingan edi.

Ruslar rasmiy uchrashuvda so'nggi bor o'tgan yilning noyabr oyi o'rtalarida ishtirok etishgan (San-Marino, 5:0). Pandemiya tufayli joriy yilda  terma jamoalar deyarli o'yin o'tkazishmadi. Ammo bugun ular katta sahnaga chiqishadi. 

CHerchesov jamoasida yo'qotishlar talaygina, odatda u ishonch bildiradigan qator futbolchilar Serbiyaga qarshi o'ynay olmaydi: Aleksandr Golovin jarohatlandi, Denis CHeryshev tiklanishga ulgurmagan, maydon markazida Dmitriy Barinov va Ilzat Axmetov bo'lmaydi, Daler Kuzyaev esa hamon klubsiz. Golovinning o'rnini Miranchuklarning kattasi bildirmasligi mumkin edi, biroq u ham safda emas. Joriy yoz har 3-4 kunda o'ynagan Dzyubaning "quvvati tugab qolgan". 

SHuningdek, bugun "Arsenal" (Tula) futbolchisi Evgeniy Lucenko va "Zenit" vakili Andrey Mostovoy terma safida debyut qilishi mumkin.

Serbiya

Millatlar ligasining o'tgan mavsumida ishonch bilan ishtirok etgan serblar "B" ligaga yo'llanmani qo'lga kiritishgan edi. Ayni paytda bu jamoani 67 yoshli Lyubisha Tumbakovich boshqarmoqda. Mazkur murabbiy Evropa chempionati yo'llanmasi Ukraina va Portugaliyaga boy berilgach, jamoa boshqaruviga kelgan edi. Uning qo'l ostida bir qator yulduzlar bor: himoyada Kolarov va Maksimovich, yarim himoya – Tadich, Lyaich va Milinkovich-Savich, hujumda esa Mitrovich va Yovich.

Xabaringiz bor, "Manchester Yunayted" yarim himoyachisi Nemanya Matich 28 avgust kuni to'satdan terma jamoadan ketganini elon qildi. Ayni paytda jamoa etakchisi vazifasini Dushan Tadich hamda Sergey Milikovich savich bajarsa kerak.

Malumot uchun mazkur jamoalar bugunga qadar 4 bor o'rtoqlik o'yinlarida to'qnash kelishgan: 2 durang, ruslarning 2 g'alabasi. Bugungi uchrashuv Rossiya va Serbiya terma jamoalari o'rtasidagi ilk rasmiy bahs hisoblanadi. Qizg'in va murosasiz kurashlarga boy bo'lishi kutilayotgan o'yinni o'tkazib yubormang.

SHuningdek, bugun yana 9 ta uchrashuv o'tkaziladi:

23:45. Turkiya - Vengriya

21:00. Latviya - Andorra

23:45. Germaniya - Ispaniya

23:45. Ukraina - SHveycariya

23:45. Bolgariya - Irlandiya

23:45. Finlyandiya - Uels

23:45. Moldova - Kosovo

23:45. Sloveniya - Greciya

23:45. Farer – Malta