Murod Otajonov: "Yangi bosh murabbiy kelganidan keyin "Buxoro"da yaxshi tomonga o'zgarishlar bor"

- G'alabalardan keyin bunday o'yinlar yoqimli bo'ladi. Ikkala jamoa ham so'nggi daqiqagacha kurashdi. Kimdir yutqazishni xohlamadi, kimdir yutishni istadi. O'yinga bixga maqul keldi. Muxlislar uchun qanday bo'lganini bilmayman. Qiyin o'yin bo'lganini barcha ko'rdi. Ikki jamoa ham bir-biriga mos keldi. O'yin ham chiroyli bo'ldi. O'yinga ko'plab ishqibozlar keldi. Agarda bizdan ham shuncha muxlis kelganida, xursand bo'lib ketishardi. Futbol shunday - bir jamoa yutadi, biri yutqazadi. G'alabadan xursandmiz. Yangi bosh murabbiy kelganidan keyin "Buxoro"da yazshi tomonga o'zgarishlar bor. Buni biz raqibdan kutgandik va bu namoyon bo'ldi. Yigitlar o'yindan oldingi ko'rsatmalarni to'g'ri bajarishdi va mana g'alabaga erishish nasib qildi.

- O'yin oldidan g'alabani kutganmidingiz?

- Kim bizni bu erga yutqazish uchun kelgan deb o'yladi. G'alaba uchun kelgandik. Nasib qilgani bo'ladi. Demak, bugun bizning kunimiz ekan.

- Ikki jamoaning o'rtacha yoshida farq juda katta. "Bunyodkor"ning o'rtacha yoshi 22 bo'lsa, "Buxoro"da bu yosh 32ga teng. O'yinda buning ham tasiri bo'ldimi?

- Tabloga qarasak, balki, tasiri bo'lgandir. Yosh bolalar bo'lgani uchun 95-daqiqada uch futbolchimiz hujumga o'tib ketdi va ikkinchi golni urishdi. Yosh yigitlar raqiblaridan chaqqonlik bilan o'tib ketishdi. 

- Jamoaga qo'yilgan vazifa qanday?

- Qancha baland bo'lsak, shuncha yaxshi. CHempionlik deyolmaymiz. CHunki bizga tajriba kerak, futbolchilar juda yosh. Ha, yo'q emas, tajribali futbolchilar ham bor. O'tgan o'yindan keyin ham aytgandim, yosh futbolchilarimiz shu tajribalilarga qarab o'rnak olib, yaxshi o'yin ko'rsatishga harakat qilishmoqda. SHu sababli turnir jadvalida qancha baland bo'lsak, shuncha yaxshi.

- "Bunyodkor"ning bir necha yillar oldingi birinchi raqamli darajaga qaytishiga ishonasizmi?

- Buning uchun katta mehnat kerak. Barcha sohada pasayish, ko'tarilish bo'ladi. Sekin-sekin oyoqqa turishga, respublika chempionatlarida birinchi raqamli bo'lishga harakat qilib kelyapmiz.