Hakim Fuzaylov: "Mahalliy futbolchilar Narx va Samievlardan yomon o'ynashmayapti"

Hakim Fuzaylov: "Neftchi" ancha tajribali jamoa. Katta pullar sarflashmoqda va oldiga jiddiy maqsadlar qo'yigan. "Xorazm" Superligada ishtirok etishini oxirgi bo'lib bildi va imkoni boricha tarkib yig'dik. "Xorazm" ikkinchi darvrada kuchayishi kerak.

- Bubanya nega bugungi bahsda ishtirok etmadi?

- U "Andijon" bilan bahsda oyog'ining barmog'ini sindirib oldi. Bubanya ikkinchi davraning uchinchi o'yinigacha safga qaytadi.

- Jamoa birinchi davrada raqiblar darvozasiga 16ta gol uribdi. Bu yomon natija emas. Lekin o'tkazib yuborgan gollari soni 18ta. Jamoaning qaysi chiziqlarida o'zgarishlar bo'ladi?

- Bizga kuchli hujumchi kerak. Keyin darvoza chizig'ini ham kuchaytirish lozim. Bir-ikki nafar himoyachi ham olsak kerak.

- Farruh Ibrohimov nega tarkibda kam ko'rinyapti?

- Farruh mavsum startida jarohat olgan edi. U asta-sekinlik bilan formasini tiklab boryapti. U ko'proq U21 jamoasi safida to'p tepmoqda.

- "Neftchi" bugun qanotlar orqali juda xavfli hujumlar tashkil qildi. Bugun bu jihatdan yutqazdik.

- Shahram Samiev va Fransis Narxlar bugun zaxiradan o'yinga qo'shlishdi...

- Narx va Samievlar so'nggi pallada jamoamizga qo'shilishdi. Ular jismoniy holatini tiklab borishmoqda. Biroq ularga ishonishda davom etish kerakmi degan savol paydo bo'ldi. Chunki mahalliy futbolchilar ularda yomon o'ynashmayapti. Legionlerlar esa qolganlardan bir bosh ustun bo'lishi kerak.

- "Xorazm" ikkinchi davrada o'z maydoniga qaytadimi? Bunga nima to'sqinlik qilmoqda?

- Hozir bu haqida aniq malumot bera olmayman. Ikkinchi davradagi ikkinchi o'yinni uyda qabul qilamiz. Stadion tayyor, VAR ham o'rnatilgan. Yoritish tizimi bilan bazi muammolar bor. Agar PFL rozi bo'lsa, ikkinchi davrani o'z arenamizda o'tkazamiz.