Eshitdik-da. Hamidjon Aktamov "Qizilqum"ni tark etdi

"Qizilqum" jamoasida uzoq yillardan beri menejer, bosh murabbiyi, ushbu mavsumdan esa bosh direktor sifatida faoliyat olib borgan Hamidjon Aktamov klubni tark etdi. 

Ayni vaqtda jamoa sport direktori lavozimida ishlab kelgan Alisher Xalikov klub bosh direktori vazifasini bajaruvchi etib tayinlangan.

2020 yilgi mavsum boshida ham klubda xuddi shu kabi  tushunarsiz o'zgarishlar amalga oshirilib, "Surxon"ni boshqarayotgan Hasan Ro'ziev "Qizilqum" prezidenti lavozimiga tayinlangan, oradan hech qancha o'tmay boshqaruv yana Hamidjon Aktamov qo'liga o'tgan edi. Voqealar rivojini kuzatamiz. Bu safar nima bo'lar ekan.

Eslatib o'tamiz, hozirda "Qizilqum" Superligada ortda qolgan 4ta turda 10 ochko to'plagan holda turnir jadvalida peshqadamlik qilmoqda.