Darko Gojkovich: "Qo'qonni juda tez sog'insak kerak"

Biz safar oldidan Darko Gojkovichni suhbatga tortdik.

- Darko avvalo “Olmaliq” bilan bo'lgan o'yin haqidagi fikrlaringizni bilmoqchi edik.
- Mavsumni g'alaba bilan yakunlab , muxlislarimizga quvonch ulashish maqsadida maydonga chiqqan edik. Birinchi bo'lib gol o'tkazvorganimizga qaramay niyatimizga etganimizdan xursandman. Bu o'yindagi g'alaba turnir jadvalidagi o'rnimizni biroz yaxshilab olish imkonini berar edi. SHuning uchun barcha yigitlar birdamlikda , borlarini berib harakat qildik va yakunda mavsumni alo kayfiyatda yakunladik.

- Jamoa bilan shartnomalaringiz yakuniga etdi. Kelgusidagi rejalaringiz qanday?
- Ha biz “Qo'qon-1912”  klubi bilan mavsum yakuniga qadar shartnoma imzolagan edik. Ertaga o'z yurtimizga uchib ketamiz. Bosh murabbiy va klub rahbarlari Nikola ikkimizning harakatlarimizdan xursand ekanliklarini bayon qildilar. Endi uyda yangi yil bayramini o'tkazgunimizcha dam olamiz. Keyin vaziyatga qarab ish ko'ramiz. Jamoa rahbarlari bizni keyingi mavsumda ham Qo'qonda o'ynashimizni istayotganlarini aytishdi. O'z navbatida biz ham shartnomani yangilashga tayyormiz.

- Jamoa bilan moliyaviy masalalarda muammolar bo'lmadimi?
- Bu borada klub rahbarlariga kottakon rahmat aytmoqchiman. Biz jamoadan barcha maosh va mukofot pullarimizni oldik.  SHu o'rinda Qo'qonlik muxlislarga ham bizni ajoyib tarzda qo'llab turganlari va chiroyli kuzatib qo'yganlari uchun o'zimizni minnatdorchiligimizni izhor qilmoqchiman. Biz O'zbekistonliklarning samimiy mehmondo'stligi, shirindan – shirin taomlari  , ayniqsa palovni juda tez sog'insak kerak – deydi Darko Gojkovich.

Bugun erta tongda Serbiyalik futbolchilar Nikola Valentich va Darko Gojkovich o'z yurtlariga uchib ketishdi.

"Qo'qon-1912" matbuot xizmati