“Bunyodkor” yoshlari – O'zbekiston chempioni-2013!!!

So'nggi turdagi g'alaba Bunyodkor“ yoshlarini marraga birinchi bo'lib etib kelishlarini ta\minlardi.Garchi asosiy raqobatchimiz – “Paxtakor” bilan ochkolarimiz teng bo'lsa-da, bunyodkorchilarning har ikki o'zaro o'yindagi g'alabasi bizga ustunlik taqdim etardi.

Hammasi o'z qo'lida bo'lgan yoshlarimiz “So'g'diyona”ni safarda yirik hisobda mag'lub etib, klub muzeyidagi sovrinlar sonini yana bittaga oshirishdi.

Uchrashuvni tezkor hujumlar bilan boshlagan Aleksandr Mochinov shogirdlari 5-daqiqadayoq hisobni ochishdi. Sardor Azimov uzatgan pasni Anvar Berdiev osonlik bilan darvozaga yo'lladi – 0:1. Bo'lim o'rtalarida Mirjamol Qosimov ajoyib pasi bilan Javlon Mirabdullaevni taminladi. U esa boshi bilan “So'g'diyona” darvozasiga ikkinchi to'pni kiritdi. Oradan ko'p o'tmay Mirjamol Qosimov penaltini aniq amalga oshirib, hisobni yirik ko'rinishga keltirdi – 0:3. “Bunyodkor”dan “So'g'diyona”ga ijaraga berilgan Rasuljon SHuhratov “qaldirg'ochlar”ni jazolab, hisobni biroz qisqartirdi. Lekin hisobdagi uchta to'plik farqga Sanjar Rixsiboev rozi bo'lmay, jizzaxliklar posbonini to'rtinchi bor hafa qildi. Bu vaziyatda Ergash Ismoilov chiroyli to'p oshirganini ham takidlab o'tish lozim.

SHu tariqa, yoshlarimiz mavsumni birinchi o'rinda yakunlashib, “Bunyodkor”ning kelajagi munosib qo'llarda ekanligini isbotlashdi. CHempionlik muborak, yoshlar!

Yoshlar ligasi, 26-tur
“SO'G'DIYONA” – “BUNYODKOR” 1:4 (0:3)
Gollar: Anvar Berdiev 5 (0:1), Javlon Mirabdullaev 21 (0:2), Mirjamol Qosimov 36 (0:3), Rasuljon SHuhratov 71 (1:3), Sanjar Rixsiboev 84 (1:4)
“So'g'diyona”: 16.Nodirjon Ashurmatov, 4.Behzod Tursunov, 6.Zafar Ortiqov, 7.Sardor Qahhorov, 8.Botirjon Karimjonov (sardor), 11.Nodirbek Ibragimov, 12.O'tkir Mamatov, 19.Rasuljon SHuhratov, 20.Jamshid Hazratqulov, 21.Akmal Abdurahmonov, 22.Asilbek Begimqulov
Zahiradan maydonga tushganlar: 1.Qobil Norqo'ziev, 5.Alisher Islomov, 9.Siroj Meliev, 10.Jahongir Boboxo'jaev, 15.Maruf To'raev, 17.Fazliddin Abduvaliev, 18.Islom Hakimov
“Bunyodkor”: 45.Akbar To'raev, 2.Aziz Mamazoitov, 4.Mirjamol Qosimov, 5.Javlon Mirabdullaev, 6.Sardor Sobirxo'jaev, 7.Zabixillo O'rinboev, 8.Xurshid G'iyosov, 10.Anvar Berdiev, 14.Kamoliddin Tojiboev, 16.Sardor Azimov, 18.Kamronbey Kapadze (sardor)
Zahiradan maydonga tushganlar: 3.Hasan Asqarov, 9.Ahror Umarjonov, 11.Sanjar Rixsiboev, 13.Zokirjon Nurmatov, 15.Saidjon Topilov, 17.Ergash Ismoilov,
Bosh hakam: SHuhrat Hakimov (SHahrixon)
7 noyabr. Yangier. “Yangier” stadioni.