Azamat Allaniyozov: “Qizilqum”dan minnatdorman”

Futbolchi esa navoiyliklar jamoasidan ketar chog'ida ular bilan iliq munosabatda xayrlashganini malum qildi va boya uning aytgan gaplari chop etilgan xabar u qadar haqiqatga mos kelmasligini aytib, shunday dedi:

-  “Qizilqum”ni tark etganim rost, ammo klub rahbariyati bilan o'rtamizda hech qanday muammo yoki kelishmovchilik bo'lmagan. Biz ular bilan do'stona ruhda xayrlashganmiz va jamoaning keyingi faoliyatida faqat omad tilayman. “Qizilqum”ga futbolni tugatish uchun kelish kerak, degan gapga kelsak, men bu kabi fikrlarni aytmaganman, chunki u erda hamma vaqt raqobatbardosh va yaxshi jamoa bo'lib kelgan. U erda yaxshi saviyadagi o'yinchilar bor va klub har doim yuqori o'rinlar uchun kurashib kelmoqda. Men har doim “Qizilqum” jamoasi va rahbarlari bilan do'stona munosabatda bo'lib qolaman. Bu erda o'tgan yarim yillik faoliyatim uchun ulardan minnatdorman.

FIRDAVSXON