Andrey Miklyaev: "Lokomotiv" oldiga kubokni qo'lga kiritish vazifasi qo'yilgan"
25 noy 2020 17:06
Yangiliklar

Andrey Miklyaev: "Lokomotiv" oldiga kubokni qo'lga kiritish vazifasi qo'yilgan"

Superliganing 24-turidan o'rin olgan "Qo'qon-1912" - "Lokomotiv" (0:1) uchrashuvidan keyin mehmonlar bosh murabbiyi Andrey Miklyaev o'z fikrlarini bildirdi.

"O'yin juda qiyin bo'ldi. So'nggi yillarda "Qo'qon-1912" o'z maydonida juda ham yaxshi o'ynab kelmoqda. G'alaba qozonganimizdan xursanmiz. Ko'rsatmani to'liq bajardik va raqibga munosib qarshilik ko'rsatdik. Gol urdik va yaxshi himoyalandik. Deyarli teng kurashda omad biz tomonda bo'ldi deb o'ylayman", - deydi Miklyaev.

- Kapadze kelganidan keyin jamoada o'zgarish kuzatildi. Bunga nima sabab bo'ldi?
- Albatta, o'zgarishlar bo'ldi. Kapadze yosh, g'ayratli murabbiy. U yigitlarga, yigitlar unga ishonadi. Bizda ajoyib kollektiv shakllandi. Futbolchilar futbol o'ynashni xohlashmoqda va mashg'ulotda bor kuchlari bilan ishlashmoqda.

- "Lokomotiv" oldiga kubok orqali OCHLga chiqish vazifasi qo'yilganmi?
- Albatta. Lekin bir narsani unutmang, jamoamish endi shakllanmoqda, tarkibimizda yoshlar juda ko'p. Tabiiyki kubokda o'ynaydigan barcha klublar singari kubokni qo'lga kiritishga intilamiz. Oldimizga shunday vazifa qo'yilgan.