Андрей Микляев: "Локомотив" олдига кубокни қўлга киритиш вазифаси қўйилган"
25 ноя 2020 17:06
Янгиликлар

Андрей Микляев: "Локомотив" олдига кубокни қўлга киритиш вазифаси қўйилган"

Суперлиганинг 24-туридан ўрин олган "Қўқон-1912" - "Локомотив" (0:1) учрашувидан кейин меҳмонлар бош мураббийи Андрей Микляев ўз фикрларини билдирди.

"Ўйин жуда қийин бўлди. Сўнгги йилларда "Қўқон-1912" ўз майдонида жуда ҳам яхши ўйнаб келмоқда. Ғалаба қозонганимиздан хурсанмиз. Кўрсатмани тўлиқ бажардик ва рақибга муносиб қаршилик кўрсатдик. Гол урдик ва яхши ҳимояландик. Деярли тенг курашда омад биз томонда бўлди деб ўйлайман", - дейди Микляев.

- Кападзе келганидан кейин жамоада ўзгариш кузатилди. Бунга нима сабаб бўлди?
- Албатта, ўзгаришлар бўлди. Кападзе ёш, ғайратли мураббий. У йигитларга, йигитлар унга ишонади. Бизда ажойиб коллектив шаклланди. Футболчилар футбол ўйнашни хоҳлашмоқда ва машғулотда бор кучлари билан ишлашмоқда.

- "Локомотив" олдига кубок орқали ОЧЛга чиқиш вазифаси қўйилганми?
- Албатта. Лекин бир нарсани унутманг, жамоамиш энди шаклланмоқда, таркибимизда ёшлар жуда кўп. Табиийки кубокда ўйнайдиган барча клублар сингари кубокни қўлга киритишга интиламиз. Олдимизга шундай вазифа қўйилган.