Andrey Fyodorovning o'yin va o'zbek futboli haqidagi fikrlari

Murod Ismoilov betobligi bois Muborakka tashrif buyurdi lekin zaxira o'rindig'ida o'tirmadi va mehmonlar uchun ajratilgan joyda kuzatib bordi.  

"Mashal" uyida juda ham tashavvuzkor o'yin ko'rsatishini bilar edik.  O'tgan yili ham xuddi shunday o'yinda imkoniyatni boy bergan edik.  Farg'onada bo'lgan bahsda ham ajoyib o'yin ko'rsatgan edi.  O'yinni boshlanishi meni hayron qoldirdi.  Biz boshidan raqibdan hujumkor o'yin kutgan edik lekin unday bo'lmadi.  Birinchi bo'limda yomon o'yin ko'rsatmagan edik.  Birinchi bo'lib gol urish ham nasib etdi.  Afsuski bo'lim oxirigacha buni saqlab qola olmadik.  Bo'lim oxirida toliqishdan so'ng gol qo'yib yuborishga majbur bo'ldik.  Bu esa "Mashal"ga ruhiy madad,  bizni yigitlarga zarba bo'ldi.  SHunga qaramay tanaffusda yaxshi gaplashib olgan edik.  O'yin yo'nalishini o'zgartish maqsadiga gaplashib oldik.  Ikkinchi bo'lim boshidan kiritilga gol esa natijaga tasir o'tkazdi.  Yochinish xonasidan kechroq chiqdim.  SHu bois golni ham ko'ra olmadim.  O'yin durangga mos edi.  Biz mag'lubiyatga munosib emas edik" ,  - deydi Andrey Fyodorov

- Terma jamoamizning tarixidagi eng kuchli himoyachi sifatida "Neftchi"ning bugungi himoya borasida qanday fikrdasiz?

Himoyamiz juda yomon o'yin ko'rsatdi.  Negaki ular yo'l qo'yishi umuman kerak bo'lmagan xatoni qildi.  Oliy ligada bunday xato qilishga hech bir himoyachini haqqi yo'q.  

- Neftchi boy tarixga ega.  Uning tarixi juda ham kuchli lekin bugunichi ? Hozirgi futbol haqida qanday fikrdasiz va nima etishmayapdi?

Men ikki yildan buyon "Neftchi" jamoasi bilan birgaman.  Hozirgi futbolchilarga barqarorlik etishmayapdi.  "Neftchi"ning bugungi holatiga ham aynan mana shu narsa sababchi.  Tarkibni bir maromda saqlab turish kerak.  Bu nima degan gap.  Bir yilda sakkizta futbolchimiz asosiy tarkibdan yangilandi.  Futbolda tez-tez yangilanish bilan jamoani bir maromda ushlab turish juda ham qiyin.  Yigitlarni jamoaga ko'nikishi va bir birini tushinishi ham qiyin kechadi.  Maqsadlarimizni va o'ylaganlarimizni ularni ongiga singdira olmaymiz.  Bu butun o'zbek futbolini muammosi.  Afsuski hozir bizni futbol shunday ahvolda.  Hamma futbolchi bir yilga yoki yarim yilga shartnoma imzolaydi.  Yanagi yilda esa yana boshqa jamoaga ko'chib ketaveradi.  Biz o'ynagan vaqtda barqarorlik,  vatanparvarlik,  sodiqlik degan narsalar bor edi.  Bir jamoada besh-olti yil birga o'ynab borar edi.  Hamma bir-biri bilan do'st,  aka-uka bo'lardi.  Butun jamoa bugun murabbiy nimani istayotganini , uning qarashini bilib olsa bo'ladigan darajaga etib borar edik.  Murabbiylarni ko'rsatmalarini esa so'zsiz tushinib borar edik.  Hozir unaqa futbolchini topishni o'zi bo'lmayapdi.  Butun o'zbek futbolida shu narsa ketmoqda.  Bir yil davomida O'zbekiston terma jamoasi o'yinlari,  klublarning xalqaro o'yinlari va Oliy liga bahslaridan ko'plab o'yinlarni ko'rdim.  Hozirgi yoshlar ozgina bo'lsa ham qiyinchilikka dosh bera olmaydi.  Ko'pchiligi juda ham sabrsiz.  CHetdan qaraganda buni yaqqol sezsa bo'ladi.  Bular meni shaxsiy fikrlarimiz.  Hozirgi futbolchilarni maqsadi birinchi navbatda futbol bo'lmay qolgan.  Ular boshqa narsalarni orzu qiladi.  Bunaqa futbolchilarni o'yinga tayyorlash juda ham qiyin bo'ladi.  Nafaqat "Neftchi"ning balki o'zbek futbolining ham eng asosiy dushmani mana shulardir.  

- Akmal Xolmatov jamoa sardori sifatida yaxshi o'yin ko'rsatib borayotgan edi.  Nega zaxiraga olishni afzal ko'rdingiz ?

Biz goldan so'ng ikki hujumchi bilan o'ynashni istadik.  Zaxiraga esa yoki Akmalni,  yoki Mansur Saidovni olishim kerak edi.  Mansur yaxshiroq formada bo'lgani bois uni saqlab qolgan holda Akmalni oldim va ikki hujumchi bilan o'ynadik.