«Торино» Белоттини «Арсенал»га 65 миллион еврога сотишни истамади
08 янв 2017 23:30
Янгиликлар

«Торино» Белоттини «Арсенал»га 65 миллион еврога сотишни истамади

«Торино» спорт директори Жанлука Петрачи «Арсенал» Андреа Белотти учун 65 миллион евро таклиф қилганини тасдиқлади.

«Ҳа, биз Белотти борасида таклиф олдик, аммо унинг нархи бундан баланд.

Ҳозирча уни ҳеч қаерга қўйиб юбормоқчи эмасмиз, келажакда нима бўлишини кўрамиз. Андреа унга таклиф қилинган пулдан қимматроқ туради», – дейди Петрачи.

23 ёшли футболчининг «Торино» билан шартномаси 2021 йилга қадар тузилган. Белоттининг товон пули 100 миллион евро этиб белгилаб қўйилган.

Бу мавсумда ҳужумчи Италия А сериясида 17та ўйинда 13та гол урди ва 4та голли пас берди.