"Сурхон" U-21 чемпионати тўпурари билан шартнома имзолади
06 янв 09:23
Янгиликлар
"Сурхон" U-21 чемпионати тўпурари билан шартнома имзолади
"Сурхон" клуби навбатдаги трансферини эълон қилди.
Термиз клуби ўтган мавсумни "Бунёдкор"да ўтказиб, U-21 лигасида 25 та гол билан тўпурар бўлган Фаррух Қодировни ўз сафига қўшиб олди.
"Клубимиз футболчилар селекциясини давом эттирмоқда. Бу сафар жамоамизга ёш ва истеъдодли ҳужумчи Фаррух Қодиров келиб қўшилганини эълон қиламиз. 21 ёшли ҳужумчи ўтган мавсумда "Бунёдкор" U-21 жамоаси сафида тўп суриб, ёшлар чемпионатининг энг яхши тўпурари бўлди — у 25 та гол уриб, 10 та голли узатма амалга оширди.
Ушбу трансфер клубимизнинг ёш футболчиларни ривожлантиришга қаратилган стратегиясини давом эттиради. Қодиров билан шартнома 2+2 тизими асосида имзоланди.
Клуб номидан Фаррухга жамоамиз сафидаги фаолиятида омад ва муваффақиятлар тилаймиз", — дейилади клуб хабарида.
Ўхшаш янгиликлар
championat.asia
"Бу ер Роналду Арабистони эмас". Саудиялик таниқли журналист Криштиануни танқид қилди
"Реал" собиқ футболчиси Мессини дунёнинг энг яхши футболчиси, Роналдуни эса иккинчи рақам деб атади
"Негрейра иши": Бош айбланувчи хотирасини йўқотмоқдами?
Туркия Кубоги. Файзуллаев ва Шомуродов гол урган баҳсда "Башакшеҳир" йирик ғалабага эришди
Фикрлар