Сурия қандай тайёрланмоқда?

25 июлда чемпионат баҳслари якунига етгач, дарҳол Дамашқда йиғин бошланди. Икки ҳафталик йиғиндан сўнг кичик танаффус эълон қилиниб, 15 августдан навбатдаги йиғин ўтказилиши эълон қилинганди.

Шу кунларда бошланган йиғиндаги футболчилар рўйхати ҳозирча эълон қилингани йўқ. Сурия ОАВ хабарига кўра, Айман Ҳаким бошчилигидаги жамоа Россиядаги йиғин ўтказади ва Арманистон билан 22-24 август кунларидан бирида ўртоқлик учрашуви ўтказади. Бироқ Арманистон томони Сурия билан ўйин ўтиши ҳақида бирор изоҳ қолдирмаган. 27 август куни Хўжанд шаҳрида Сурия Тожикистонга қарши ўртоқлик учрашувида майдонга тушади. Сўнг сурияликлар юртимизга келиб, 1 сентябрь куни термамиз билан ўйнайди.

Миллий чемпионат ўйинлари йўқлиги туфайли Сурия август ойида тўлиқ йиғин ўтказиш имкониятига эга бўлди. Сурия 2-турда Жанубий Корея билан ўйинини Ливан пойтахти Байрутда ўтказиши ОФК сайтида белгиланган.