“Шўртан”: Йиғинда уч нафар янги футболчи бор

Жумладан В.Легай ва Г.Кочнев қўл остида ўтаётган машғулотларда Суннатилло Мамадалиев (“Сўғдиёна”), Ҳасанбой Эргашев (“Навбаҳор”) ва Аббос Омонов (“Машъал”) каби футболчилар иштирок этишмоқда.

Аслида, бу футболчилар “Шўртан” учун бегона эмас. Ҳар уч нафар ўйинчи ҳам ўтган йили Ғузор жамоаси шарафини ҳимоя қилишган эди. Тақдир таққозоси билан улар яна жонажон жамоаларига қайтишди ва “Оқ бўрилар”нинг иккинчи даврадаги зафарли юришларига ўз ҳиссаларини қўшиш ниятидалар.

Ўз ўринда яна бир янгиликни айтиб ўтиш керак, бугун 11 июль санасида “Шўртан”нинг мураббийлар гуруҳи ва футболчилари Тошкентдаги Республика спорт тиббиёт илмий-амалий марказида ўз саломатликларини текширувдан ўтказишмоқда.  Жамоа аъзолари кечга яқин тайёргарлик жараёнларини давом эттириш мақсадида яна Ғузордаги ўз қароргоҳларига қайтишади. Ғузордаги машғулотлар 18 июлга қадар давом эттирилади.   

“Шўртан” ПФК матбуот хизмати