Салоҳ АПЛда “Ливерпуль” сафида бундай натижани қайд этган тўртинчи футболчига айланди

Учрашувда “қизиллар” етакчиси Муҳаммад Салоҳ 2 та гол уриб, 1 та голли узатма берди. Натижада Салоҳ АПЛ доирасида “Ливерпуль” сафида гол+пас тизимида 100 очко ишлади. Унинг ҳисобида 73 та гол ва 27 та голли узатма бор. Мерсисайд клуби сафида АПЛда бундай натижага Салоҳдан олдин фақат 3 нафар ўйинчи эришганди. Булар: Стивен Жеррард (212), Робби Фаулер (158) ва Майкл Оуэн (148).