Расман: "Динамо" Ратиньо билан хайрлашди. Футболчининг кейинги манзили аниқ
10 дек 23:35
Янгиликлар

Расман: "Динамо" Ратиньо билан хайрлашди. Футболчининг кейинги манзили аниқ

"Нефтчи" клуби у билан шартнома имзолагани хабар қилинганди.

Самарқанднинг "Динамо" клуби ўз легионери Франциско Феррейра билан хайрлашди. Футболчи икки йиллик фаолиятидан сўнг клубни тарк этади.

"Барчаси учун раҳмат, Ратинио!
"Динамо" жамоаси сафидаги ўйинлари орқали мухлис ва мутахассислар эътиборига тушган Ратиньо икки йиллик фаолиятидан кейин жамоамиз билан хайрлашди.
2024 йил бошида Бразилия қуйи лигасидан жамоамизга келиб қўшилган Франциско Феррейра ажойиб ўйинлари билан самарқандлик мухлислар меҳрини қозона олди. Вадим Абрамов бошқарувида "Динамо" етакчиларидан бирига айланган бразилиялик яримҳимоячи 2024 ва 2025 йил якунларига кўра, кетма-кет икки йил ПФЛ томонидан Суперлига рамзий жамоасига киритилди. Жамоамизда лиганинг энг яхши легионерларидан бирига айланган Ратинио билан амалдаги келишув ниҳоясига етгач, у ўз фаолиятини бошқа клубда давом эттиришга қарор қилди.
"Динамо" ПФК Ратинионинг кейинги фаолиятига омад ва зафарлар тилаб қолади. Ишонамизки, Самарқанд – унинг иккинчи уйи бўлиб қолади ва «Динамо» эшиклари унинг учун доим очиқ.
Ҳаммаси учун раҳмат, Ратинио!", -дейилади Самарқанд клуби хабарида.

Маълумот учун, сайтимизда 9 декабрь куни Ратиньо "Нефтчи"га ўтиши хабар қилинганди. Футболчи водийликлар билан икки йиллик шартномага қўл қўйган.

Breaking! Ратиньо фаолиятини водийда давом эттиради

Ҳавола :

Манба : championat.asia

Янгиликларни Телеграмда ўқинг!

Рейтинг: +1