Саламат Қутибоев: "Муҳим ўйинда ирода кўрсатдик"
19 окт 2016 14:21
Янгиликлар

Саламат Қутибоев: "Муҳим ўйинда ирода кўрсатдик"

Олий лига доирасидаги “Навбаҳор”-“Бухоро”(1-2) жамоалари ўртасидаги ўйиндан сўнг меҳмонлар ярим ҳимоячиси Саламат Қутибоев ўйин ҳақида ўз фикрлари билан ўртоқлашди:

- Ҳар иккала жамоа ҳам мамлакатимиз футболида ўз тарихи, анъаналарига эга клуб ҳисобланади. Шу боис турнир жадвалидаги ўрнидан қатъи назар ҳар доим ушбу жамоалар ўртасидаги ўйинлар ҳамиша қизғин ва кескин тус олиб келган. Бугун ҳам мухлислар ана шундай шиддатли ўйин гувоҳи бўлишди. Ниҳоятда қийин ўйин ўтказдик. Яхши ҳамки иккинчи таймда ирода кўрсатиб, ғалабали икки гол киритишга муваффақ бўлдик.

- Терма жамоа йиғини? Аввало айтиш жоизки терма жамоа сафида бўлиш ҳар бир футболчи учун фахр. Қолаверса йиғинлар жараёнида мамлакатнинг энг кучли ўйинлари билан машғулотлар вақтида бу ўз маҳоратингни янада ошириш учун муносиб имкониятдир, - дейди Саламат Қутибоев.

"Бухоро" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +7