Превью. "Навбаҳор" - "Металлург"

«Навбаҳор» (Наманган) – «Металлург» (Бекобад)
21 июнь 2016. Наманган. "Марказий" стадион. 19:00
Ҳакамлар: Т. Тўхтасинов (Андижон), А. Маражабов (Андижон), А. Абдураҳмонов (Андижон), Б. Юлчараев (Гулистон)
Назоратчи: С. Эрматов (Тошкент).
ЎзПФЛ вакили: Б. Маметов.

“Навбаҳор” ва “Металлург” клублари олий лигада шу кунгача 36 бор куч синашишган. “Навбаҳор” 18та ўйинда ғалаба қозонган. 9та учрашувда “Металлург”нинг қўли баланд келган. Бу жамоалар ўртасидаги ўйинларда 9 марта дуранг қайд этилган. Тўплар нисбатида катта устунлик “Навбаҳор” томонида: 59:38. “Лочинлар” ўзаро ўйинларда 63 очкога эга бўлишган, “Металлург” эса 36 очкони қўлга киритган. “Навбаҳор”нинг “Металлург” устидан қозонган энг йирик ғалабаси 7:0га тенг бўлса, “Металлург”нинг наманганликлар устидан эришган энг йирик ғалабаси – 3:0.

2015 йил биринчи даврадаги баҳсда дуранг қайд этилган. Мезбонлар сафида Азимжон Аҳмедов ва Дилшод Жабборов гол уришган, меҳмонлар таркибида Алишер Зиёвуддинов ҳамда Дилмурод Каримов тўп киритишган – 2:2.

Бекободда эса “Навбаҳор” зафар қучган. Шаҳзодбек Нурматов иккита тўп киритган, наманганликлар сафида Қаҳрамон Маҳамаджонов, Дилшод Жабборов ва Шаҳбоз Эркинов ўзларини кўрсатишганди – 2:3.

“Навбаҳор” майдонида ўтган сўнгги беш учрашув:
20.03.2015 «Навбаҳор» - «Металлург» 2:2
27.08.2013 «Навбаҳор» - «Металлург» 4:2
04.07.2013 «Навбаҳор» - «Металлург» 2:1
06.10.2012 «Навбаҳор» - «Металлург» 1:0
05.03.2011 «Навбаҳор» - «Металлург» 1:0

Ўзаро ўйинлар ҳақида факт: “Навбаҳор” ўз майдонида ушбу рақибга умуман мағлуб бўлмаган. 18та ўйиннинг 15тасида майдон эгалари зафар қучишган. 3та ўйин дуранг билан тугаган.