"Нефтчи" Туркияга йўл олди

Янги мавсумга пухта ҳозирлик кўраётган "Нефтчи" футбол клуби аъзолари бугун эрталаб Тошкент-Стамбул авиа қатнови орқали тайёргарликнинг иккинчи босқич жараёнида иштирок этиш учун Туркиянинг Анталья шаҳрига жўнаб кетишди. 

Сафарда бўлиб ўтадиган иккинчи босқич жараёнида қатнашиш учун Виталий Левченко қўл остидаги мураббийлар штаби қуйидаги футболчиларни жалб этди: 

Акбар Тўраев, Шуҳратилло Раҳмонов, Абдуллоҳ Олимов, Муҳсин Убайдуллаев, Суннатилла Абдуллажонов, Лутфулла Тўраев, Дониёр Валиев, Фаҳриддин Муҳаммадов, Фозил Мусаев, Умар Адҳамзода, Улуғбек Ҳошимов, Мирзоҳид Ғофуров, Анвар Ғофуров, Нодирхон Неъматхонов, Олексей Ларин, Андрей Мишенко, Нурилло Тўхтасинов, Аббос Ғуломов, Диёр Туропов, Зоир Жўрабоев, Тома Табатадзе. 

Маълумот ўрнида, Туркиядаги йиғинлар доирасида кўрикдан ўтиш учун машғулотларга янги футболчиларни таклиф этиш кўзда тутилган.