"Манчестер Юнайтед" 36 ёшли ҳимоячиси билан шартномани узайтирди
12 июл 22:07
Янгиликлар

"Манчестер Юнайтед" 36 ёшли ҳимоячиси билан шартномани узайтирди

Клуб тажрибали ҳимоячисини яна бир йил олиб қолади.

"Манчестер Юнайтед" клуби жамоа ҳимоячиси Жонни Эванс билан шартномани узайтирди. 36 ёшли ҳимоячи яна бир йил МЮда қоладиган бўлди.

Эслатиб ўтамиз, Жонни Эванс 2023 йилда "Лестер"дан МЮга келиб қўшилганди. Дастлаб, ҳимоячи жисмоний ҳолатини сақлаб туриш учунгина "Ман Юнайтед"нинг мавсум олди йиғинларида иштирок этганди. Кейин эса у клуб билан шартнома имзолади.

Маълумот учун, Жонни Эванс ўтган мавсум давомида МЮ таркибида 30 та учрашувда майдонга тушди. Шулардан 23 та ўйин АПЛ баҳслари ҳисобланади.