Клопп "Ливерпуль"нинг "Шрусбери Таун"га қарши ўйинини ноутбукда кузатади

Германиялик мутахассис жамоанинг асосий таркиб футболчиларига дам берган ва уларни Англия Кубоги доирасидаги ўйинга чақирмоқчи эмас.

"Шрусбери Таун"га қарши ўйинда эса мерсисайдликларга 23 ёшгача бўлган "Ливерпуль" жамоаси устози Нил Критчли устозлик қилади.

Хабарларга кўра, Клопп ўйинни жонли эфирда клуб телеканали ҳисобланган LFC TVда томоша қилади. Шунингдек, немис мутахассиси танаффусда футболчилар билан видеомулоқот қилиши мумкин.

Эслатиб ўтамиз, "Ливерпуль" ва "Шрусбери Таун" жамоалари ўртасидаги ўйин 4 февраль куни "Энфилд" стадионида бўлиб ўтади.