Денис Черишев: “Барселона”ни ютишимиз ҳам мумкин эди”
09 окт 2018 00:11
Янгиликлар

Денис Черишев: “Барселона”ни ютишимиз ҳам мумкин эди”

“Валенсия” клуби ҳужумкор ярим ҳимоячиси Денис Черишев “Барселона”га қарши кечган ўйин (1:1)дан сўнг ўз фикрлари билан ўртоқлашди.

“Учрашувни ўз фойдамизга ҳал қилишимиз керак эди. Бунга яқин ҳам эдик. Тезкор гол бизни руҳлантириб юборди. Бутун ўйин давомида каталониялик юлдузларга қарши ўйин ҳароратини ҳис этиб турдик. Уларга қарши муносиб ўйин намойиш этганимиздан хурсандмиз.

Ғалаба қозониш учун имкониятларимиз етарлича бўлди. Лекин юзага келтирилган вазиятлардан унумли фойдалана олмадик. Ҳужум ва ҳимояда сифатли ўйин намойиш қила олганимиздан мамнунмиз. Аммо, бугунги баҳс хатолар устида ишлашимиз кераклигини кўрсатиб берди”, - дея Черишевнинг сўзларидан иқтибос келтирмоқда Marca нашри.

Ҳавола :

Янгиликларни Телеграмда ўқинг!

Рейтинг: +5