Бубанья "Сурхон" устидан расман ФИФАга арз қилди
31 янв 2022 15:42
Янгиликлар

Бубанья "Сурхон" устидан расман ФИФАга арз қилди

2021 йилни Термизнинг "Сурхон" клубида бошлаган Владимир Бубанья мавсумнинг биринчи даврасидан кейин "йўқолиб қолганди".

Аниқроқ айтсак, маоши ўз вақтида тўланмаган ҳимоячи клуб билан шартномасини бир томонлама бекор қилиб, ўз юртига қайтиб кетган.

Ортда қолган давр мобайнида "Сурхон" мутасаддилари ОАВ томонидан бир неча бор огоҳлантирилган бўлишига қарамай, бу можарога якуний нуқта қўйилгани йўқ.

Championat.asia'га маълум бўлишича, сербиялик футболчи ваниҳоят "Сурхон" жамоаси устидан расман ФИФАга арз қилди. Агар Термиз клуби раҳбарияти бу масала ечимини пайсалга солишда давом этса, жамоага трансфер тақиқи қўйилади.

Эслатиб ўтамиз, ушбу сценарий 2020 йилги мавсумда ҳам содир бўлган. Якунда томонлар келишувга эришишган эди.

Ҳавола :

Манба : championat.asia

Янгиликларни Телеграмда ўқинг!

Рейтинг: +4