Апрель ойининг энг яхшиси дарвозабонига овоз беринг

Ўткир Юсупов — “Қўқон-1912”
Элдор Суюнов — “Пахтакор”
Санжар Қувватов — “Насаф”
Асилбек Омонов — Бухоро”

Март ойи якунларига кўра “Бунёдкор” посбони Мурод Зухуров ўз рақобатчиларини катта фарқ билан ортда қолдиришга муваффақ бўлганди. Бироқ апрель ойида у даъвогарлар орасига кира олмади. Элдор Суюнов ва Ўткир Юсупов эса бу гал яна бир карра ҳаракат қилиб кўради.

Ўткир Юсупов — 5 та ўйинда -2 гол. 3 та қуруқ ўйин ва 16 та сейв
“Қўқон-1912” посбони кетма-кет иккинчи ой энг яхши дарвозабон бўлиш учун номзодлар қаторига кирди. Ўткир Юсупов апрель ойида АГМК, “Насаф” ва “Бунёдкор”га учрашувларда ўз дарвозасидан тўп олиб чиқмади.

Элдор Суюнов — 5 та ўйинда -2 гол. 3 та қуруқ ўйин ва 6 та сейв
Худди Юсупов каби иккинчи бор ойнинг энг яхши дарвозабони бўлиш учун “Пахтакор” аъзоси Элдор Суюнов ҳам курашади. Суюнов ўтган ойда “Металлург”, “Навбаҳор” ва “Локомотив”га қарши баҳсларда ўз дарвозасига қулф “осиб қўйди”. Ой давомида ўтказиб юборилган 2 та голидан 1 таси пенальтидан урилгани эътиборга молик.

Санжар Қувватов — 5 та ўйинда -3 гол. 3 та қуруқ ўйин ва 9 та сейв
“Насаф” дарвозабони Санжар Қувватов ўтган ой ўз дарвозасидан 3 та гол ўтказиб юборди. 3 та учрашувда эса дарвозаси даҳлсизлигини сақлаб, жамоасига очко олиб берди. Ой сўнгида “Сўғдиёна”га қарши бўлиб ўтган ўйин натижасигина “Насаф” учун қимматли бўлди.

Асилбек Омонов — 5 та ўйинда -4 гол. 3 та қуруқ ўйин ва 9 та сейв
“Бухоро”нинг муваффақиятли ўйинларида дарвозабон Асилбек Омоновнинг хизматлари катта. Посбон апрель ойида 9 та сейв қилди. У 5 та учрашувда 4 марта дарвозасидан тўп олиб чиққан бўлса-да, яна 3 та ўйинда умуман гол ўтказмаган.

Эслатма. Апрель ойининг энг яхшиларига Суперлига клублари бош мураббийлари ҳамда сардорлари овоз беради. Championat.asia нашри мухлислар ўртасида сўровнома ўтказади. Мураббий ва сардорлар овозига кўра энг яхшиларга 1—3 очко берилади. Мухлисларнинг овози эса ўрнига қараб 2—6 очкога ўтади.

Апрель ойининг энг чиройли голига номзодлар эълон қилинди

Апрель ойининг энг яхши футболчиси бўлиш учун номзодлар эълон қилинди

Апрель ойининг энг яхши мураббийи бўлиш учун номзодлар эълон қилинди