UZ

Сўнгги янгиликлар

13:16Йован Жокич: "Яна 3 та ўйин ва танаффусга яхши кайфиятда йўл оламиз"  0 12:56Расман: Веско Стешевич истеъфога чиқди  0 12:39Евро-2024. Бугунги учрашувларни бошқариб борадиган ҳакамлар номи эълон қилинди  0 12:18Alfraganus University: 1070 кмни 12 соатга қолмай босиб ўтдик, Москвадамиз!  0 12:00Расман: "Ювентус" спорт координатори клубни тарк этади  2 11:38Суперлигада кутилган истеъфо рўй берди  10 11:11"Бавария" "Ливерпуль" ҳимоячисига қизиқиш билдирмоқда  1 10:28Англия терма жамоаси Европа чемпионатида ғалаба қозонса, қанча мукофот пули олиши маълум  5 10:00«Сўғдиёна» тўрт йиллик нохуш анъанага чек қўйди  7 09:33Англия ва Сербия терма жамоалари 44 йиллик антирекордни янгилашди  2 09:06Хвича Кварацхелиянинг агентининг гаплари футболчининг трансферини барбод қилиши мумкин  0 08:41Роберто де Дзерби янги жамоаси билан шартнома имзолади  1 08:14Евро-2024. Кечаги учрашувларнинг «Man of the match» соҳиблари маълум  2 07:47Евро-2024. Бугун Франция ва Бельгия мусобақадаги «юришини» бошлайди  0 07:21Суперлига. Бугун Тошкентда иккита учрашув бор  4

Афина-2004. Кападзе, Жепаров, Гейнрих ва Мирҳолдиршоев. Олимпиада сари учинчи уриниш Янгиликлар

Афина-2004. Кападзе, Жепаров, Гейнрих ва Мирҳолдиршоев. Олимпиада сари учинчи уриниш

1996-2020 йиллар оралиғида Ўзбекистон олимпия терма жамоасининг Олимпиада сари ҳаракатини эслашда давом этамиз.

Аввалги иккита мақолада Атланта-1996 ва Сидней-2000 йўлидаги ўйинлар ҳақида тўхталгандик. Ҳар иккала Олимпиада саралаш босқичида бизни Қозоғистон ортда қолдириб кетгани ҳақида фикр юритгандик. Бугун эса учинчи уриниш, яъни 2004 йил Греция пойтахти Афинада ўтказилган Олимпия ўйинлари сари ҳаракатни ёдга оламиз. 

Афина Олимпиадасида Осиёдан кимлар қатнашган? 

2004 йил ёзги Олимпия ўйинларида ҳам Осиёдан учта жамоа иштирок этган: Жанубий Корея, Япония ва Ироқ. Жанубий Корея гуруҳда Мали, Мексика ва Грецияга қарши баҳс олиб бориб, иккинчи ўрин билан чиққан. Япония ўз гуруҳида Италия, Гана, Парагвай билан беллашиб, охирги ўринни эгаллаган. Ироқ эса Коста-Рика, Марокаш ва Португалияга қарши майдонга тушиб, ҳеч ким кутмаганда ўз гуруҳида биринчи ўринни эгаллаган. 

Ироқ Олимпия терма жамоаси чорак финалда Австралияни 1:0 ҳисобида мағлуб этган бўлса, Жанубий Корея бу босқичда Парагвайдан 2:3 ҳисобида енгилиб, шу тариқа мусобақани тарк этган. Яримфиналда Ироқ Парагвайга қарши майдонга тушиб, 1:3 ҳисобида мағлуб бўлган ва бронза меддалар учун курашда Италияга ҳам 0:1 ҳисобида енгилган.


Чемпион ким бўлган? 

Афина-2004 Олимпиадасида чемпионлик Аргентинага насиб этган. Аргентина финалда Парагвайдан 1:0 ҳисобида устун келган. Учрашувдаги ягона гол Карлос Тевес ҳисобига ёзилган. Аргентинани ўша йил машҳур мураббий Марсело Бьелса шоҳсупа сари бошлаб келган. 


Осиё саралаши

Осиёда саралаш уч форматда олиб борилган. Дастлаб ўтиш босқичи ўйинлари ўтказилган. Саралашда жами 36 жамоа учта йўлланма учун курашган. Ўзбекистон олимпия терма жамоаси ўз иштирокини иккинчи босқичдан бошлаган.

Иккинчи босқичда 24 жамоа 12та жуфтликка бўлиниб, уй-меҳмон тарзида ўйинларни ўтказган. Ва якунда 12 жамоа ҳал қилувчи учинчи босқичга йўл олиб, жамоалар 4тадан 3 гуруҳга бўлинган. Ҳар бир гуруҳ ғолиби эса Олимпиада йўлланмасига эга чиққан.

Ўзбекистон олимпия терма жамоаси иккинчи босқичда Эронга қарши иккита ўйин ўтказган ва ҳар иккала ўйинда имкониятни бой берган. 2003 йил 3 май куни Тошкентда ўтказилган баҳсда 1:3 ҳисобида мағлуб бўлган вакилларимиз 7 июнь куни сафарда 1:6 ҳисобида мағлуб бўлишган. Натижада Эрон U-23 ҳал қилувчи учинчи босқичга йўл олган. Виктор Борисов устозлик қилган бу терма жамоада Тимур Кападзе, Сервер Жепаров, Игнатий Нестеров, Александр Гейнрих, Шуҳрат Мирҳолдиршоев каби футболчилар тўп тепган. 

03.05.2003. Ўзбекистон - Эрон 1:3

07.06.2003. Эрон - Ўзбекистон 6:1 

Ўзбекистон ОТЖ Тошкентда Эрон билан ўйин олдидан. Кимларни танидингиз?

Учинчи босқичда ўйнаганлар

Олимпида саралашидаги охирги босқичда айтиб ўтганимиздек, 12 жамоа иштирок этган. Жамоалар 4тадан 3 гуруҳга бўлинган. 

"A" гуруҳи: Жанубий Корея, Эрон, Хитой, Малайзия. 

"B" гуруҳи: Япония, Баҳрайн, БАА, Ливан.  

"C" гуруҳи: Ироқ, Уммон, Қувайт, Саудия Арабистони.

Гуруҳ натижаларига кўра, Жанубий Корея, Япония ва Ироқ 2004 йил ёзги Олимпия ўйинларида иштирок этган.

Муаллиф : Iskandarov Abdulaziz
Рейтинг: -2   

Фикрлар

   
15 апр 22:10:07
@# #@
to'g'riso'z фойдаланувчининг фикрига жавоб бериш
Паски каторда Крушелницкий, байрамов ва Суюновга ухшаркан
Muzaffar xoliqov
   
15 апр 16:12:05
to'g'riso'z
Паски каторда Крушелницкий, байрамов ва Суюновга ухшаркан
   
15 апр 14:46:21
Jamshid Abdusamadov
Чапдан тепада Нестеров Гофуров Копадзе Власичев Мирхолдиршоев Гейнрих. Пастда чапдан 3 тасини танигандейман эсимда йук. Колгани Зейтуллаев Копадзе
championat.asia
< сўнгги янгиликларни кўриш
Яндекс.Метрика