Рустамбек Фомин ЦСКАнинг асосий жамоаси билан шуғулланмоқда
23 июн 2024 18:24
Янгиликлар

Рустамбек Фомин ЦСКАнинг асосий жамоаси билан шуғулланмоқда

Москванинг ЦСКА клуби алоқалар бўйича директори Кирилл Брейдо "қизил-кўклар"нинг асосий жамоаси билан шуғулланаётган 18 ёшли Рустамбек Фомин ҳақида гапирди.

"Ҳақиқатдан ҳам Рустамбек Фомин ЦСКА ПФК ва Ўзбекистон футбол ассоциацияси ўртасидаги ҳамкорлик дастури доирасида асосий жамоамиз билан шуғулланмоқда. Рустамбек катта иқтидор ҳисобланади, у 17 ёшидаёқ U20 терма жамоасига кирган ва ҳозирда унда сардор ҳисобланади. ЦСКА бундан кейин ҳам ўзбекистонлик энг иқтидорли йигитлар учун амалиёт ўташда давом этади, аммо айни дамда 18 ёшли футболчи билан шартнома имзолаш ҳақида гап кетмаяпти", — деб ёзди Брейдо ўз телеграм каналида.

18 ёшли Фомин Тошкентнинг "Олимпик-MobiUz" клубида "Пахтакор"дан ижара асосида ўйнайди. Рустамбек жамоа таркибида 13та ўйинда майдонга тушиб, 1та гол уришга эришди.

Ҳавола :

Манба : t.me/BreydoChannel

Янгиликларни Телеграмда ўқинг!

Рейтинг: +20