UZ

Сўнгги янгиликлар

08:04Флик кечаги дуранг ҳақида фикр билдирди  0 07:42КОНКАКАФ чемпионлар лигаси. Месси ва «Интер Майами» юришини ярим финалда тўхтади  5 07:00"Барселона" ва "Интер" ўртасидаги "оловли" ўйинда "Интер"ни дарвоза тўсини қутқарди, Мхитаряннинг голи эса ҳисобга олинмади  4 02:00ЕЧЛ. "Барселона" ва "Интер" ярим финалнинг илк баҳсида жанговар дуранг қайд этди. Барчаси бир ҳафтадан сўнг ҳал бўлади  313 01:40Холанд "Манчестер Сити" машғулотларига қайтди  0 01:20Анвар Бердиев: "Майдон учун раҳбариятимизга миннатдорчилик билдираман. Чемпионатда кўп очко йўқотдик, энди шуни ўрнини тўлдиришимиз керак бўлади"  2 00:55Мирко Еличич: "Биз "Олимпик Мобиуз" каби энг яхши ёшларни йиға олмаймиз"  4 00:23Сергей Лушан: "Асабий ўйин бўлди, анча вазиятларни голга айлантира олмадик"  2 00:05Сервер Жепаров: "Навбаҳор" билан ўйин ўзига ҳос ажиотажни юзага келтирди"  3 00:00Россия кубоги. "Зенит" ЦСКАни мағлубиятга учратди. Файзуллаев 68-дақиқада майдонга тушди  10 23:30Элит ОЧЛ. "Ал Насср" ва Роналду мусобақани тарк этди. "Кавасаки Фронтале" финалда!  98 22:45Сергей Лебедев: "Назаримда, бугунги ўйинда ёмон ҳаракат қилмадик"  6 22:35"Реал" ёзда Родригони сотиб юбориши мумкин  9 22:26Виталий Левченко: "Дербиларда ҳар доим кураш бўлади"  4 21:45Ўзбекистон футбол ассоциацияси ва футзал федерацияси раҳбарияти Осиё Кубоги олдидан терма жамоа аъзолари билан учрашди  0

Воҳид Холбоев: "Муаммолар устига муаммолар" Янгиликлар

Воҳид Холбоев: "Муаммолар устига муаммолар"

Ўзбекистон Про-лигаси 12-тури доирасида "Нурафшон" - "Хотира-79" (3:1) жамоалари ўртасидаги учрашувдан кейин мезбонлар бош мураббийи Воҳид Холбоев ўз фикрларини билдириб ўтди.

"Қийин, оғир ўйин бўлди. Биз муаммолар қаршисида қолиб кетдик. Ўтган ўйинда Элбек Равшановнинг қизил карточка олгани бугун билинди. Бир неча етакчиларсиз ҳаракат қилишга мажбур бўлдик. "Лабса" билан сафардаги баҳсда Фарруҳ Шотурсунов майдондан четлатилганди. Унинг хизматидан 3 баҳсдан буён фойдалана олмаяпмиз. У кейинги турдан яна майдонга қайтади.

Битта таркиб билан ўйнаяпмиз. Олдин ҳам айтганимдек захирамиз тор. 15 июндан эътиборан трансферлар ойнаси очилади ва таркибга 2-3 нафар тажрибали футболчиларни қўшиб оламан деб ният қилганман. Таркибга аҳамият берсак, Руслан Вагаповнинг бир ўзи, шундай ёшга кирган бўлса-да, икки бўлим мобайнида ёшлар билан тенгма-тенг югурмоқда. Мурод Ражабовга умуман дам берилмаяпти. Футболчиларга берилган юклама меъёридан ошиб кетган. Энди шундай қиламизки, айрим футболчиларга бемалол дам бериб, унинг ўрнига олиб келинганлар билан хотиржам ўйинни ўтказа оламиз.

Муаммолар устига муаммолар. Чап қанот ҳимоячимиз жароҳат олди. Унинг ўрнини ким босиши борасида қаттиқ ўйланяпман. Кейинги баҳсда етакчилардан бири "Ёзёвон" жамоасига қарши сафарда баҳс олиб борамиз. Умид қиламанки, унинг ўзи учрашувгача сафга қайтади.

Ҳа, Орифхўжа Абдуҳолиқовнинг ўйинларида бироз пасайиш бор. Бироқ ҳужумчи ҳар доим ҳам голлар киритиши учун мукаммал позицияда бўлиши керак. Машғулотларда унга ҳар доим қандай жойларда бўлиш кераклигини фишкалар қўйиб, яхши даражада тушунтиришга ҳаракат қиламан. Яқинда биз шифокорлар терма жамоаси билан назорат учрашувини у кўтаринки кайфиятда ўтказиб, иккита гол киритганди. Аммо, бизда боши ёки оёғига тўпни аниқ ташлаб берадиган футболчилар йўқ. Шу борада ҳам кўп ишлаш керак.

"Хотира-79" ҳам яхши жамоа экан. Сафардаги учрашувда 10 киши бўлиб, 2:0 ҳисобида мағлуб этгандик. Ўртада катта танаффус бўлгани учун баҳсга яхшигина тайёрланиб олдик. Натижа ёмон эмас, ғалаба қозондик. Йигитларга раҳмат айтаман", - деди Воҳид Холбоев.

Миржалол Норматов суҳбатлашди

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика