Биз эса одатдагидек батафсил рўйхатни тақдим қиламиз.
Туркия Суперлигаси. 29-тур
"Сивасспор" - "Аланяспор"
Янги жамоасида ўз ўрнини топиб бораётган Азизбек Турғунбоев бугун "Аланяспор"га қарши учрашувни катта эҳтимол билан асосий таркибда бошлайди. Маълумот учун, "Сивасспор" айни пайтда турнир жадвалида 38 очко тўплаган ҳолда 9-ўринда кетмоқда.
Россия Премьер-лигаси. 19-тур
"Рубин" - "Пари НН"
Рустам Ашурматов ва Умарали Раҳмоналиев тўп тепаётган "Рубин" бу турда ўз майдонида "Пари НН" жамоасини қабул қилади. "Рубин" ҳозирги вақтда 29 очко билан 7-ўринда кетмоқда.
Италий А Серияси. 28-тур
"Кальяри" - "Салернитана"
Элдор Шомуродов ўйнаётган "Кальяри" уйда "Салернитана"ни меҳмон қилади. "Кальяри" 23 очко билан турнир жадвалида 18-ўринни эгаллаб турибди.
Франция Лига-1. 25-тур
"Ланс" - "Брест"
"Ланс" клуби "Брест"га қарши ўйин қайдномасини эълон қилди. Қайдномадан Абдуқодир Ҳусанов ҳам ўрин олди. Ўзбекистонлик ҳимоячи катта эҳтимол билан ўйинни асосий таркибда бошлайди. "Ланс" 24 та учрашув ўтказган ҳолда турнир жадвалида 39 очко билан 6-ўринни банд этиб турибди.
