Сарри "Ювентус"да Икарди ва Маркиньосни кўришни хоҳламоқда
18 июн 2019 12:07
Янгиликлар

Сарри "Ювентус"да Икарди ва Маркиньосни кўришни хоҳламоқда

"Ювентус"нинг янги бош мураббийи Маурицио Сарри мавсумлар оралиғидаги трансфер режаларини маълум қилди.

60 ёшли мутахассис жамоасида "Интер" форварди Мауро Икарди ва ПСЖ ҳимоячиси Маркиньосларни кўришни хоҳламоқда.

25 ёшли мудофаа вакилининг трансфери юқори маош сабаб қийинлашиши мумкин, Маркиньос Париж клубида йилига 10,2 миллион евро маош олади.

Икарди варианти эса "Интер"даги вазият сабаб амалга ошиши мумкин, чунки "нерадзурри" бош мураббийи Антонио Конте 26 ёшли аргентиналик футболчига қизиқмаяпти.

Шунингдек, туринликлар "Сассуоло"дан Мерих Демирел ва "Женоа"дан Кристиан Ромероларни харид қилишга яқин.