Рўзиқул Бердиев: "3:0 ҳисобида ютдик, аммо жуда кўп хато қилдик. Траорени яқин орада кўрасизлар. "Боксинг дэй"да максимал очко олишга уринамиз"

"Уч очко қўлга киритдик. 3:0 ҳисобида ғалаба қозонганимизга қараб хатолар бўлмаган деб ўйлашингиз мумкин. Аммо хатолар кўп бўлди. Ўйинни яхши бошладик, вазиятлар ҳам яратдик. 2:0 ҳисобида олдинга ўтиб олгач, тўп назоратини йўқотдик. Лекин охирида рақиб кўпроқ ҳужумга эътибор қаратгани боис учинчи голни урдик", - дейди Рўзиқул Бердиев. 

- "Динамо"га ижарага берилган легионер Файсал Траоре "Насаф"га қайтарилди. Кеча у U-21 жамоасида тўлиқ ҳаракат қилди. Уни қачон асосий таркибда кўришимиз мумкин?
- Уни тайёрлаб борамиз. Кеча U-21 жамоасида ёмон ўйнагани йўқ. Ҳали ёш футболчи, универсал ўнгда ҳам, чапда ҳам ўйнай олади, чап қанот ҳимояда ҳам ҳаракат қила олади. Ундан кейинги ўйинларда фойдаланишга ҳаракат қиламиз.

- Август ойида Суперлига клубларини ўзига хос "боксинг дэй" кутиб турибди. "Насаф" ҳар 3 кунда ўйин ўтказишга тайёрми?
- Бугунги ўйин кўрсатдики, иккала жамоада ҳам камчиликлар бор. Чунки ўйин темпи жуда ҳам паст бўлди. Бу худди кичик бир турнирдек гап, максимал тарзда очко тўплашга интиламиз.

- Клубларнинг Давлат активларини бошқариш агентлигига ўтиши ва ОЧЛга лицензия олишдаги муаммо ҳақида эшитдингизми? Бунга муносабатингиз қандай?
- Ўйиндан ташқари савол экан. Тўғриси бу саволга жавобим йўқ.