"Реал Мадрид" январь ойида янги футболчилар билан шартнома имзолашни режалаштирмаяпти. The Athletic нашрининг хабарига кўра, мадридликлар раҳбарияти қишки трансферлар борасидаги ўз позициясини ўзгартирмаган. Клуб мутасаддиларининг фикрича, жамоанинг ҳозирги таркиби мавсум якунига қадар Ла Лига, Испания Кубоги ва Чемпионлар Лигасида ғолиблик учун курашишга қодир.
Қайд этилишича, "Реал" қишда трансфер амалга оширишдан чўчимоқда. Бунга сабаб — январь ойида бозорда яхши вариантлар камлиги ва мавжуд номзодларнинг нархи ҳаддан ташқари баланд бўлишидир.
Эслатиб ўтамиз, айни дамда мадридликлар Ла Лигада 19 турдан сўнг 45 очко билан 2-ўринда боришмоқда ва пешқадам "Барселона"дан 4 очкога ортда қолишяпти.
