Бу ҳақда AS нашри хабар берди.
Эслатиб ўтамиз, аввалроқ "қироллик клуби" раҳбари келаси сешанба куни "қаймоқранглилар" тарихидаги энг катта трансфер таклифини амалга оширишини эълон қилган эди. Бироқ Перес бу футболчи Олисе бўлмаслигини таъкидлаганди.
Манбанинг хабарига кўра, франциялик ҳужумчининг эҳтимолий трансфери осон кечмайди, чунки "Бавария" футболчиларни сотишдан тушадиган пулларга муҳтож эмас.
Якунланган мавсумда Олисе барча мусобақаларда 52 та ўйинда майдонга тушиб, 22 та гол ва 31 та голли узатмага муаллифлик қилди. Футболчининг клуб билан амалдаги меҳнат шартномаси 2029 йилнинг ёзигача мўлжалланган. Transfermarkt порталида берилган маълумотларга кўра, футболчининг бозор қиймати 150 миллион еврони ташкил этади.
