Расман: Луис Суарес Ўзбекистон терма жамоасига қарши ўйнамайди
18 мар 2019 17:28
Янгиликлар

Расман: Луис Суарес Ўзбекистон терма жамоасига қарши ўйнамайди

"Барселона" ҳужумчиси Луис Суарес жароҳат туфайли 10-15 кун майдонга туша олмайди.

Бу ҳақида Каталония клуби расмий сайти хабар берди.

Форвард "Бетис"га қарши бўлиб ўтган Испания чемпионати 28-тур ўйинининг 90-дақиқасида жароҳат туфайли майдонни тарк этган эди. Луис чап оёғини қайириб олди ва йиқилиб тушди.

Шундай қилиб Суарес Уругвай терма жамоасининг Ўзбекистонга қарши бўладиган учрашувида иштирок этмайди ва Каталония клуби тиббий штаби назоратида бўлади.

Эслатиб ўтамиз, 21-25 март кунлари Хитойнинг Гуанси шаҳрида "China Cup-2019" турнири бўлиб ўтади. Унда Ўзбекистон, Хитой, Уругвай ва Таиланд терма жамоалари иштирок этишади. Ўзбекистон ярим финални 22 март куни Уругвай терма жамоасига қарши ўтказади. Хитой эса 21 март куни Таиланд билан куч синашади. Ярим финалда ғолиб чиққан жамоалар 25 март куни финалда ўзаро тўқнаш келишади. Шунингдек, ярим финалда мағлубиятга учраган жамоалар 25 март куни 3-ўрин учун баҳсда майдонга тушишади.

Ҳавола :

Манба : Championat.asia

Янгиликларни Телеграмда ўқинг!

Рейтинг: +13