Oltin to'pni kim yutadi? so'rovnomasida Marez birinchi, Messi ikkinchi o'rinda

Narzulla Saydullayev

26 okt 2016, 08:22

France Football o'quvchilari orasida Oltin to'pni kim yutishi borasida so'rovnoma o'tkazmoqda. Hozirga qadar unda 1,5 million inson ishtirok etdi.

So'rovnomada 35 foiz ovoz olgan Lester vakili Riyad Marez peshqadamlik qilmoqda.

Ikkinchi o'rinda Barselona hujumchisi Lionel Messi (29%), uchinchi o'rinda Real to'purari Krishtianu Ronaldu (22%) bormoqda. Qolgan nomzodlar esa 4 foizdan ko'p ovoz olishmagan.

Xuddi shunday so'rovnomani Marca nashri ham o'tkazgandi. 100 ming odam qatnashgan so'rovnomada 58 foiz olgan Messi g'olib chiqqandi. Argentinalik futbolchi Krishtianu Ronaldu (26,6%) va Antuan Grizmanni (3,24%) ortda qoldirgandi.