“МЮ” “Челси”га ета оладими?

“Очиғини тан олиб айтиш керакки, бу вазифани амалга ошириш жуда қийин. Гап фақат очколар орасидаги тафовутда эмас, балки “Челси”нинг кўрсатаётган ўйин фалсафасига боғлиқ. Улар бир тўп киритиб олгач, асосий эътиборни ҳимояга қаратишмоқда ва ғалабага эришимоқда. Бунинг устига улар яхши ҳимояланишмоқда ҳам. Ҳисобда олдинга бораётиб, ўйин якунланишига 20 дақиқа қолганида ҳимоячилар майдонга туширилмоқда.

“Челси” ҳақида нима дейилаётгани ёки кимдир нима деб ўйлаётгани уларга қизиқ эмас. Улар шунчаки ғолиб чиқишни хоҳлашмоқда.  Шу сабаб мен улар кўп очко йўқотадилар, деб ўйламайман”, дея таъқидлаб ўтди португалиялик мураббий.