Мурод Бобожонов: "Истиқлол"га қарши ўйинда гол урганимдан хурсандман"

Кеча Андрей Фёдоров бошчилигидаги жамоа "Олмалиқ" клубига қарши (0:1) ўртоқлик учрашувини ўтказди. Биз учрашув тугагач "Нефтчи" ҳужумчиси Мурод Бобожоновнинг фикрлари билан қизиқдик.

"Тошкентда янги мавсумга тайёргарликни давом эттираяпмиз. Кунига икки маҳал машғулотлар олиб борилмоқда. Куни кеча Тожикистоннинг "Истиқлол" клубига қарши ўйнадик. Ўша баҳсда вазиятни пойладим ва гол уришга муваффақ бўлдим. Ҳужумчи учун доим гол уриш ёқимли. Бугунги "Олмалиқ"қа қарши учрашув ҳам самарали бўлди. Вазиятлар бўлди, аммо тўп кирита олмадик. 27 январь куни "Сўғдиёна"га қарши ўртоқлик ўйинини ўтказамиз. Шундан сўнг Фарғонага қайтиб Ҳоким кубоги мусобақасида иштирок этамиз. Жамоага келган янги футболчилар тезда қўшилиб кетишди. Ҳеч қандай муаммолар учрагани йўқ. Барчамиз бир оиламиз", - дейди Мурод Бобожонов.