

"Менимча, уларда дастлабки натижалар ёмон бўлмаслиги мумкин. Маълум бир вақт давомида жамоа яхши ўйин кўрсатади.
“Манчестер Юнайтед” Почеттино учун катта клуб, номи ҳам жуда машҳур. У бу ерга келади, аммо кейинчалик воқеалар қандай ривожланишидан кўнгли қолиши мумкин. 18 ойдан кейин ҳам у ҳали шу ерда ишлаётган бўлса, ҳайрон қоламан.
Чунки ҳаммаси қайта-қайта такрорланади: охир-оқибат айбдор қилиб мураббийни кўрсатишади. Аммо менинг фикримча, асл муаммолар мураббийдан юқори даражада.
Бу мутахассисларнинг барчаси яхши мураббийлар. Сўнгги 10 йил ичида “Манчестер Юнайтед”да қанчадан-қанча номдор мураббийлар ишлаганига қаранг. Алекс Фергюсон кетганидан бери ўн иккита мураббий алмашдими? Уларнинг барчаси клубни тарк этаётганда, у ерда тартибсизлик ҳукм сураётганини айтади", - деди Линекер The Rest is Football подкастида.



