Жамшид Саидов: "Жанг” давом этади"
27 окт 2015 13:13
Янгиликлар

Жамшид Саидов: "Жанг” давом этади"

“Бухоро” - “Навбаҳор” (0:1) учрашувидан сўнг матбуот анжуманининг иккинчи қисмида “Бухоро” бош мураббийи Жамшид Саидов иштирок этди.

“Бугун футболда омаднинг роли нечоғлик муҳим эканлигига яна бир бор амин бўлдик. Ақл бовар қилмас вазиятлардан фойдалана олмаслик, фақат омадсизлик белгисидир. 7-8 бор яққол голли вазиятлар содир этиб, уларнинг биронгтасидан фойдалана олмадик. Меҳмонлар эса аксинча, яримта вазиятдан оқилона фойдаланишди ва ғалаба қозонишди.

Нима ҳам дердик, “жанг” давом этади. Биз бугунги ўйинни унутган ҳолда кейинги учрашувга тайёргарликни бошлашимиз керак. Барчаси ўз қўлимизда, имконият ҳалигача сақланиб турибди. Бугунги ўйин учун шогирдларимга миннатдорчилик билдираман, улар бугун борларини бериб ҳаракат қилишди. Ажойиб мухлисларимиз бор, уларга ҳам раҳмат айтаман” - деди Саидов.

Ҳавола :

Манба : pfcbuxoro.com

Янгиликларни Телеграмда ўқинг!

Рейтинг: +3