Игнатий Нестеров 12 кундан кейин машғулотларни бошлаш ҳуқуқига эга

ОФК Нестеровни 2019 йилнинг 12 октябрь санасига қадар футболдан четлаштирганди. ЎзПФЛ 4 августдан 5 августга ўтар кечаси ёзги трансфер бозорини ёпади. Мазкур оралиқда Игнатий Нестеров Суперлига учун рўйхатдан ўтказилади. Бу борада ЎФА ОФК билан боғланиб, барча масала регламентга асосан ҳал қилиниши юзасидан ишлади. Айни вақтда Нестеров "Локомотив" қизиқишлари доирасида бўлиб турибди.

Қоидага кўра, футболчи қайтиш санасидан икки ой муқаддам жамоавий машғулотларга қўшилиш ҳуқуқига эга. Агар у 12 октябрь куни жамоасининг қайдномасига киритилса, Суперлиганинг 22-туридан бошлаб майдонга тушиш имкониятига эга бўлади.

Нестеров ЖЧ-2022 саралашининг Фаластин, Яман, Сингапурга қарши ўйинларида иштирок эта олмайди. Мураббийлар штаби лозим топса ва ўз формасини тез орада тиклаб олса, балки ноябрь ойидаги Саудия Арабистони ҳамда Фаластинга қарши такрорий ўйинларда иштирок этиши мумкин бўлар", - деб ёзади Диёр Имомхўжаев телеграмдаги ўз каналида.