Футзал. Ўзбекистон Япония билан ҳам дуранг ўйнади ва иккинчи ўринни қўлга киритди

Муросасиз ва кескин курашларга бой ўтган учрашувда жанговар дуранг қайд этилди - 3:3. Терма жамоамиз таркибида голларга Дилшод Раҳматов, Артур Юнусов ҳамда Жавлон Аноровлар муаллифлик қилишди.

Шу тариқа, Хосе Мария Мендез шогирдлари Японияда ўтказилган халқаро ўртоқлик турнирида иккинчи ўринни қўлга киритишди. Мезбонлар биринчи, Вьетнам терма жамоаси эса учинчи поғонани банд этди.

Япония - Ўзбекистон 3:3
Нагоя, 24.04.2016
Голлар: Н.Осодо, М.Маедончи, С.Шибано - Д.Раҳматов, А.Юнусов, Ж.Аноров

Япония:Биринчи бешлик:Хигор Пирес, Рюта Ҳоши, Юсуке Накамура, Казуҳиро Нибуя, Сота Шибано
Заҳирадан тушганлар:Тору Сато, Рйоҳеи Андо, Нобуя Осодо, Рюма Като, Минами Като, Казуя Шимизу, Матиас Ҳерман Маедончи, Рйосуке Нишитани.

Ўзбекистон: Биринчи бешлик: Рустам Умаров, Дилшод Раҳматов, Фарҳод Абдумавлонов, Артур Юнусов, Константин Свиридов.
Заҳирадан тушганлар: Дилшод Ирсалиев, Шуҳрат Тожибоев, Феруз Фахриддинов, Даврон Чориев, Андрей Шлема, Жамолиддин Шарипов, Жавлон Аноров.

Турнир жадвали

Терма жамоамиз делегацияси эртага Тошкентга қайтиб келади.