Фелан: “Биз Роналдуни жамоавий футболчига айлантиргандик”

“Роналду барчадан ажралиб турарди. У МЮ мураббийлардан кўпроқ маслаҳатлар олишга интиларди. Ўзига ўзи талабчан эди. 

Биз Криштиануни жамовий ўйинга мослаштиришимиз шарт эди. Амалда шундай бўлди ҳам. Машғулотларда шундай ҳолатлар ҳам бўлардики, у буни амалга оширишни истамасди. Бироқ биз шу ишни қилишга мажбурлардик. 

МЮдаги муваффақиятили ўйинларидан кейин  у  “Реал”га ўтди. Мен унинг Мадрид клуби сафидаги ўйинларини кўриб туриб,  бир қатор жиҳатларга эътибор бердим. У бу ишни айнан МЮда ўрганганди. МЮ машғулотларида берилган топшириқларни у “Реал” сафида амалга ошира бошлаганди. Буни кузатиш жудаям ёқимли эди. 

Биз Криштиану Роналдуни кашф қилдик, дейишдан йироқман. Унинг юлдуз бўлиб порлашига кўпчилик сабабчи бўлган.  Аммо унинг ўзи биринчи навбатда буни жудаям хоҳлаган. Криштианунинг иштиёқи жудаям юқори эди”, деди Фелан.

57 ёшли мутахассис 2001-2013 йилларда сер Алекс Фергюсоннинг мураббийлар штабида фаолият юритган.