Диёр Имомхўжаев нимани назарда тутяпти?

Унда сўзма-сўз шундай ёзган: "Хуллас, питболда 18 йил олдинги хатони такрорлаш арафасида турибмиз. Бош роллада ўша 18 йил олдин умидли футболчи бўлган болла бўлади шакил". 

Агар Имомхўжаевнинг гапларидан келиб чиқиб 18 йил ортга назар ташлайдиган бўлсак, 2002 йил ўзбек футболида нима рўй берган бўлиши мумкин? Бу ўринда энг катта тажриба сифатида "Пахтакор"ни миллий терма жамоа базаси сифатида шакллантириш бошланганини эслаш мумкин. Эсингизда бўлса, ўша йиллари мамлакатимизнинг энг иқтидорли футболчилари "Пахтакор"да жам бўлганди.

Диёр Имомхўжаевнинг гапларидан келиб чиқиб бугунги кунда яна шу воқеа такрорланиши мумкинми? Бу сафар қайси клуб терма жамоага база сифатида хизмат қилади? Билишимизча, Суперлиганинг ҳеч бир клубида бундай режа йўқ. Лекин 18 йил олдинги хатони такрорлаш бу сафар 18 йил олдин умидли футболчи бўлган ёшлар чекига тушса, демак 18 йил олдин "Пахтакор"га таклиф этилган футболчидан нимадир таклиф чиққан бўлиши мумкин. Хуллас ҳозирча жумбоқ.