"Челси" вакили 2018 йилнинг сентябридан буён илк бор АПЛда ойнинг энг яхши футболчиси бўлди
10 май 2024 16:30
Янгиликлар

"Челси" вакили 2018 йилнинг сентябридан буён илк бор АПЛда ойнинг энг яхши футболчиси бўлди

Теглар : Челси Апрель Ой футболчиси Коул Палмер

Англия Премьер-лигаси апрель ойининг энг яхши футболчисини аниқлади.

Совринни "Челси"нинг ҳужумкор ярим ҳимоячиси Коул Палмер қўлга киритди.

Палмер ўтган ой Англия чемпионатида 4 та ўйин ўтказди. Уларда футболчи 7 та гол урди ва шеригига 1 та голли пас узатди.

Совринга Бруну Фернандеш ("Манчестер Юнайтед"), Йошко Гвардиол ("Манчестер Сити"), Кай Ҳаверц ("Арсенал"), Жан-Филип Матета ("Кристал Пэлас") ва Жордан Пикфорд ("Эвертон") даъвогарлик қилганди.

Қизиғи шундаки, "Челси" вакили охирги марта 2018 йилнинг сентябрида АПЛда ойнинг энг яхши футболчисига айланганди. Ўшанда Эден Азар совринни қўлга киритган эди. Аввалроқ 2023/2024 йилги мавсум АПЛда ойнинг энг яхши футболчиси учун совринни Жеймс Мэддисон, Сон Хён Мин, Муҳаммад Салоҳ, Ҳарри Магуайр, Доминик Соланке, Диого Жота, Расмус Хойлунд ва Родриго Мунис қўлга киритган эди.

Ҳавола :

Манба : premierleague.com

Янгиликларни Телеграмда ўқинг!

Рейтинг: +5