"CA" вакиллари Брисбенга етиб келди

Сидней вақти билан соат 14:45да самолётга чиқдик ва Брисбен вақти билан соат 15:15да манзилга етиб келдик. Атига 30 дақиқа училдими дерсиз. Йўқ, аслида бир соатдан салгина кўпроқ парвоз қилдик. Сидней ва Брисбен орасидаги вақт фарқи 1 соатни ташкил этиши туфайли шундай ҳолат юзага келди.

Сайтимиз ходимларидан ташқари Абдураҳмон Фозилов бошчилигидаги 70дан ортиқ мухлислар ҳам Брисбенга келишди. Хитойга қарши баҳсда улар қаторига шу ерда истиқомат қилаётган юртдошларимиз ҳам қўшилиши ҳақида хабар бердик.

Брисбен шаҳрида майдалаб ёмғир ёғмоқда, ҳаво Сиднейдагига қараганда бироз совуқроқ, 25 даража.

Бугун Ўзбекистон терма жамоаси маҳаллий вақт билан соат 19:00да (Тошкентда 14:00) "Перри Парк" стадионида машғулот ўтказади. Ушбу машғулотларни сайтимиз вакиллари кузатиб боришади. Терма жамоа лагеридаги энг сўнгги янгиликларни айнан бизнинг сайтимиздан топишингиз мумкин.

Эртага ўйинолди матбуот анжумани ва расмий машғулотлар. 14 январда эса Хитойга қарши баҳс.

Нарзулла Сайдуллаев
Брисбен шаҳридан