Бугун футбол. "Бухоро" - "Шўртан"

«Бухоро» (Бухоро) – «Шўртан» (Ғузор)
6 май 2017. Бухоро. "Бухоро" стадиони. 18:00
Ҳакамлар: В. Цейтлин (Тошкент), Р. Шояхметов (Тошкент), А. Снетков (Тошкент вил.), И. Ибрагимов (Нукус)
Назоратчи: О. Рубаков (Тошкент).
ЎзПФЛ вакили: Б. Маметов.

Ўйин олдидан: Бугун "Шўртан" сафарда фақат ғалабани кўзлаб ҳаракат қилса керак. Чунки ҳозирча сафар ўйинларида уч очко қўлга киритилгани йўқ. Ўз навбатида "Бухоро" ҳам ўз мухлислари қаршисида ғалаба учун кураш олиб боради.

Турнир жадвалидаги ўрни: "Бухоро" 13 очко билан 7-ўринни, "Шўртан" эса 9 очко билан 11-поғонани эгаллаб турибди. Жамоаларни ҳозирча тўрт очколик фарқ ажратмоқда.

Факт: Бугун "Бухоро" ўз майдонида бешинчи учрашувини ўтказади. Жамоа аввалги тўрт беллашувнинг фақат иккитасида ғолиб чиққан. Бухороликлар уйда "Олмалиқ" ва "Нефтчи"ни мағлуб этган ҳолда "Обод"га имкониятни бой беришган, шунингдек "Машъал" билан дуранг ўйнашган.

Факт: "Шўртан" сафардаги учта ўйиннинг ҳаммасида мағлуб бўлган. Дастлаб "Динамо"га, кейинги ўйинларда эса "Металлург" ва "Навбаҳор"га имконият бой берилган. Тўплар нисбати 2-8.

Биласизми? "Шўртан" олий лига клублари орасида сафар ўйинларида ҳали бирортаям очкони қўлга киритмаган ягона жамоа бўлиб турибди. Уч ўйин - уч мағлубият.

Эсингиздами? Ўтган йил Бухорода кечган мазкур жамоалар иштирокидаги учрашувда мезбонлар 3:1 ҳисобида зафар қучишган.