Бугун "Бунёдкор" ва "Пахтакор" ўйнайди

Кеча икки клубимиз икки хил натижа кўрсатганидан хабарингиз бор.

Бугун "Бунёдкор" клуби ўз майдонида Саудия Арабистонининг "Ал Наср" клубини қабул қилади. Гарчи "қалдирғочлар"нинг гуруҳдан чиқа олмасликлари маълум бўлиб улгурган бўлса ҳам жамоа ғалаба учун ўйнашини кечаги матбуот анжуманида Сергей Лушан айтиб ўтди. Соат 19:00да бошланадиган ўйинга барча мухлисларни таклиф қиламиз. СПОРТ ТВ учрашувни ёзиб олинган ҳолда (21:00да) намойиш этади.

"Пахтакор" эса Теҳронда "Нафт" клуби меҳмони бўлади. Кейинги босқичга чиқиш учун бугунги ўйинда "шерлар"га ғалаба жуда зарур. Тошкентда бу жамоалар ўртасидаги ўйинда "Пахтакор" 2:1 ҳисобида ғалаба қозонган эди. Бугунги учрашув Тошкент вақти билан соат 19:30да бошаланди. СПОРТ телеканали бу ўйинни жонли равишда эфирга узатади.

Сайтимиз орқали ҳар иккала баҳс матнли трансляция қилинади.