UZ

Сўнгги янгиликлар

20:31Дунёнинг етакчи лигалари ФИФАни судга бермоқчи  0 20:15"Локомотив" "SWM Motors" билан ҳамкорлик шартномаси имзолади  0 20:00Руслан Аҳмедов: "Биз натижа учун ўйнаяпмиз. Чиройли ўйин иккинчи даражали"  0 19:55Суперлига. "Динамо" – "Металлург" 0:1 (матнли трансляция)  8 19:50Улуғбек Бақоев: "Футболда шунақаси ҳам бўлиб туради"  5 19:33Кварацхелия "Наполи"дан кетмоқчи эмас  2 19:11"Арсенал" Йозуа Киммихга қизиқмоқда  6 18:15ПРО лига. Тошкентда ўтган "Бухоро" - "Хоразм" учрашувида дуранг қайд этилди  14 17:43Винченцо Итальяно мавсум охирида клубдан кетади  0 17:25Альфонсо Дэвис "Бавария" билан янги шартнома имзоламайди  1 17:01"Бунёдкор" янги бош мураббий номини эълон қилди  14 16:20"Евро-2024"да ҳеч ким Англия билан тенглаша олмайди"  13 15:57"Қизилқум" "Локомотив" билан ўйин учун қайдномасини эълон қилди  0 15:26Суперлига. 4-тур учрашувларини ўтказиб юборадиган футболчилар  4 15:10Маркус Рэшфорд Евро-2024га бора олмаслиги мумкин  1

“Бир футболчи тарихи”. 20 ёшида йил рамзий жамоасига кира олган Алфонсо Дейвис ҳақида Янгиликлар

“Бир футболчи тарихи”. 20 ёшида йил рамзий жамоасига кира олган Алфонсо Дейвис ҳақида

“The Best” тақдирлаш маросими ҳақида яхши биласиз.

Ушбу мукофот дейилганда кўз олдимизга келадиган охирги йилларда Криштиану Роналду ва Лионел Месси келадиган бўлиб қолган. Аслида, “йилнинг энг яхши футболчиси”дан ташқари бошқа номинатсиялар ҳам бор, биламиз, кўрамиз уларни ҳам. “Йил рамзий жамоаси” дейилганда бутун йил давомида энг яхши ўйинларини намойиш этган футболчиларни таҳмин қилиб кўрамиз. 2020 йилги рамзий жамоаси аниқланганидан сўнг бир факт мени ажаблантирди: Алфонсо Дейвис – ФИФА рамзий жамоасига киритилган биринчи Шимолий Америкалик футболчига айланди. Бугун, айнан шу футболчи билан танишамиз. 


Алфонсо Дейвис – ким ўзи у?

Қаҳрамонимиз 2000 йилнинг 2 ноябрь куни Гана мамлакатининг Будубурам қочқинлар лагерида туғилди. Либериядаги фуқаролик уруши сабаб бўлиб, Дейвис ота-онаси билан бирга Канаданинг Эдмонтон шаҳрига кўчиб келишди. 2017 йилнинг ёзида Алфонсо Канада фуқарорлигига эга бўлди. Аввалроқ эса у Либерия фуқароси бўлган. Дастлаб, “Edmonton Internationals” ва “Edmonton Strikers” жамоаларида ўз фаолиятини бошлаган Дейвис кейинчалик 2015 йилда “Ванкувер Уайткэпс” жамоасига бориб қўшилди. 


Клублардаги фаолияти ҳақида

2015 йилги мавсумни “Ванкувер Уайткэпс” жамоасида фаолиятини олиб броган Алфонсо 2016 йилнинг февралида “Уайткэпс 2” жамоасида ўйнайдиган бўлди. Ўша йилнинг апрелида эса ўзининг дебют учрашувини ўтказди. 15 май куни Дейвис профессионал футболдаги дебют голини уриб Канада чемпионати тарихидаги энг ёш гол муаллифи бўлди. 

Дейвис “Ванкувер Уайткэпс” жамоаси билан 2018 йилгача бўлган шартномага имзо чекди. Ўша вақтда Дейвис Канада чемпионатида биринчи, МЛС клубида шартнома имзолаган учинчи энг ёш футболчи бўлди. МЛСдаги дебютини эса 16 июль куни ўтказди. Чемпионатда ҳамда КОНАКАФда ажойиб ўйинлар ўтказгач бир қатор жамоалар, жумладан, “Манчестер Юнайтед”, “Челси”, “Ливерпуль” сингари клубларнинг эътиборига тушди. 2017 йилда эса дунёдаги энг яхши 60 нафар футбол истеъдодларидан бири деб топилди. Ажойиб ўйинларини хотирлайдиган бўлсак, 2018 йилнинг 10 июнь куни “Орландо Сити”га қарши учрашувда жамоаси 5:2 ҳисобида ғалаба қозонди, Дейвис эса ўйин давомида бир маротаба гол урган бўлса, учта голли узатмага муаллифлик қилди. 29 июль куни “Миннесота Юнайтед”га қарши ўйинда эса 2 та гол ҳамда 2 та ассист муаллифига айланган Дейвис, ўша учрашувда жамоаси билан биргаликда 4:2 ҳисобида ғалаба қозонди. Ўша йили август ойини биринчи санасида Алфонсо “Ювентус” билан бўлиб ўтадиган МЛС юлдузлари жамоаси таркибига киритилди ва учрашувда иштирок этди. 

Айнан 2018 йилнинг ёзида Дейвис Мюнхеннинг “Бавария”си билан 5 йиллик шартномага имзо чекди. Янги клуби билан дастлабки машғулотини эса ўша йилнинг ноябрь ойида ўтказган бўлса, дебют учрашуви 2019 йилнинг 12 январь куни “Боруссия Мёнхенгладбах”га қарши кечди. Бундеслигадаги илк ўйини эса 27 январь куни “Штутгарт”га қарши баҳс бўлди. “Бавария” сафидаги биринчи голини ҳам кўп кутмади: 17 март куни “Майнц” жамоасига қарши ўйинда гол урди ва жамоасининг йирик ҳисобдаги ғалабасига ўз ҳиссасини қўшди (6:0 билан якунланган ўйинда Дейвис олтинчи голга муаллифлик қилган). Ўша голи билан мюнхенликлар сафида Рок Санта Круздан кейинги гол урган энг ёш футболчига айланди. Шунингдек, “Бавария” таркибида рақиблар дарвозасини ишғол қилган биринчи канадалик бўлди. 

2019/20 йилги мавсумни захирада ўриндиғида бошлаб кейинчалик асосий таркиб футболчисига айланиб борган Дейвис 25 февраль куни УЕФА Чемпионлар лигаси доирасидаги “Челси”га қарши ўйиндан сўнг омма эътиборига тушди. Баҳс давомидаги ажойиб ҳаракатлари ОАВ орқали кўп бор таъкидланди, англиялик собиқ футболчи Гарри Линекер ҳам Дейвиснинг ўйинини мақтаб қўйди.

2020 йил апрелда "Бавария" ва Девис шартномани 2025 йилгача узайтиришга келишиб, унинг амалдаги шартномасига икки йил қўшиб қўйишди. Covid-19 пандемияси сабабли барча ўйинларни тўхтатиб қўйган Бундеслиганинг қайта бошланишидан сўнг, Дейвис "Айнтрахт" ва "Боруссия Дортмунд"га қарши ўйинларда иштирок этди. Мавсум якунлангач Алфонсо 2019/20 йилги мавсумнинг кашфиёти дея баҳоланди. Айнан ўтган мавсум ЕЧЛ доирасидаги “Барселона”га қарши ўйинда (8:2) Жошуа Киммихнинг голидаги иштирокидан сўнг у оммани хайратлантиришда давом этди. “Бавария” Чемпионлар лигаси ғолибига айлангач ушбу турнирда ғолиб бўлган биринчи канадалик футболчига айланди. Шунингдек, 2019/20 йилги мавсумда “мавсумнинг энг яхши футболчиси” ҳам бўлди. 

2020 йилда у Канаданинг ҳам “энг яхши футболчиси”га айланди. “Дейвис қўлга киритган натижа янги авлод ўйинчиларини руҳлантиради”, – дейди миллий жамоа бош мураббийи Жон Ҳердман.


Терма жамоадаги фаолияти ҳақида

Канада фуқаролигини 2017 йили олган бўлса-да, Дейвис 2014, 2015 йилларда Канаданинг U-15, U-18 жамоаларидан чаирув олган. 2016 йилда Канада U-20 сафида Англия U-20 га қарши ўйинда иштирок этди. Ўша йилнинг ноябр ойида U-17 жамоаси сафида Ямайка терма жамоасига гол урди. Ўша вақтларда берган интервюларининг бирида Алфонсо “Канада терма жамоасида ўйнаш имконига эга бўлиш бу – менинг орзуларимдан бири” дея айтиб ўтганди. 

Ганада туғилган, фуқаролига бўйича либериялик бўлган Дейвисда Гана ҳамда Либерия терма жамоаларида ўйнаш имконияти ҳам мавжуд эди, бироқ 2017 йил Канада фуқаролигини олгач айнан шу терма жамоани танлади. Бугунги кунгача Канада терма жамоаси сафида 17 ўйин ўтказиб, 5 та гол уришга муваффақ бўлган. 


Шахсий ҳаёти

Твиттер тармоғига ўзининг гоҳ дам олаётган, гоҳ эса майдондаги суратларини жойлаб, изоҳ ёзадиган Дейвис ёшлиги ҳамда бугунги кунда эришган ютуқларини солиштирилган суратни ҳам жойлаган. 


 

 


Дейвис ПСЖ нинг аёллар жамоаси футболчиси Жордин Уитема билан 3 йилдан бери бирга. Ўз Инстаграм саҳифасида Уитема билан бирга тушган видеони жойлаган ҳамда “Ажойиб аёлим билан 3 йил. Ҳали келажакда бизни нималар кутиб турганини билиб бўлмайди” дея изоҳ ёзган.


Алфонсо Дейвис “Бавария” сафида чап қанот ҳимояси бобида Алабадан қолишмайди. Нималарга қодир эканлигини эса яхши билиб олдик барчамиз. Давиднинг ўзи ҳам интервюларидан бирида “Жамоадаги муҳит ажойиб. “Бавария”да қувноқ футбол йўлга қўйилган. Алфонсо Дейвис? Яхши йигит, тавсияларга қулоқ солади. У янги нарсаларни ўрганишни хоҳлайди, ўсишда давом этмоқда” – деган фикрни берган эди. Ўзи умуман олганда, Канада футболи дейилганда бирор таниқли футболчини номини айтиш мураккаб эди. Энди эса, кимни айтишни яхши биласиз, менимча.


Оғабек Самисов тайёрлади 

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика