"Барселона" Рафиньядан ўсиш кутяпти, акс холда уни АПЛ клубига сотиб юборишади

Маълумотларга кўра, клуб футболчининг маҳоратига шубҳа қилмаяпти ва унинг кўникишига вақт кераклигини тушунмоқда. Бироқ клубдагилар у янада фойдалироқ ўйнашини кутишяпти, чунки футболчи учун "Лидс"га 65 млн. евро тўланган эди.

"Барселона" вакиллари Рафинья агенти Деку билан учрашиб, бу ҳақда маълум қилишган. Футболчининг ўзи келаси мавсум клубда қолишни режа қилмоқда.

Каталония клубининг сўнгги қарори мавсум охирида Рафиньянинг ўйини таҳлил қилинганда эълон қилинади.

Рафинья жорий мавсум ЛаЛиганинг 16та учрашувида 2та гол уришга муваффақ бўлди.